هەواڵێن سەرەکی

د چارچۆڤێ کەمپینا جیهانی یا هۆشیارکرنێ ل سەر شێرپەنجەیا سینگی (ئۆکتۆبەرا پیڤازی)، هۆبا تەندروستی و سلامەتیێ ل پەیمانگەها تەکنیکی یا دهۆک زنجیرەکا چالاکیێن تەندروستی و خۆپاراستنێ بۆ مامۆستا و قوتابیان ب ئەنجام گەهاندن.

​وۆرکشۆپەک ل سەر شێرپەنجەیا سینگی ل دەڤ ئافرەتان

ل هۆلا ئازادی ل پەیمانگەها تەکنیکی یا دهۆک، ب هەڤکاریا ڕێکخراوا هاریوان، وۆرکشۆپەکێ تایبەت ل دۆر هۆشیاریا شێرپەنجەیا سینگی هاتە سازکرن. د ڤی وۆرکشۆپی دا، دوو سمینارێن پزیشکی ژ لایێ د. رزڤان فەیسەل و د. ئیمان عبدالحکیم هاتنە پێشکێشکرن. ل دوماهیا سمیناران، دانوستاندن د نافبەرا ئامادەبوویان ژ مامۆستا و قوتابیان هاتنە ڤەکرن و تێدا گەنگەشەکا بەرفرە ل دۆر نیشانێن نەخۆشیێ و گۆڕانکاریێن تەندروستی هاتە کرن.

​هەوەکا ڤاکسینکرنێ دژی ئەنفلوەنزایێ

ژ لایەکێ دی ڤە، هۆبا تەندروستی و سلامەتیێ ل پەیمانگەهێ ب هەڤکاریا ڕێڤەبەرییا خۆپاراستن و ڤاکسینکرنێ سەر ب ڕێڤەبەرییا گشتی یا ساخلەمیا پارێزگەها دهۆکێ، هەوەکا ڤاکسینکرنێ دژی ئەنفلوەنزایا وەرزی ڕاگەیاند. ئارمانج ژ ڤێ هەوێ بەرهێزکرنا سیستەمێ بەرگریا لەشی بۆ مامۆستا و قوتابیێن زانکۆیا پۆلیتەکنیکی یا دهۆک بوو.