هەواڵێن سەرەکی

سلێمانی

​ل ژێر درووشمێ

"گرێدانا داهێنانێ ب بەرپرسیارەتیێ، دیتنێن جودا د بوارێن کارگێری، تەکنۆلۆژیا و جڤاکی دا"

ل رێکەفتی ٢٣ی نیسانا ٢٠٢٦ێ، چالاکیێن شەشەمین کۆنفرانسێ نێڤدەوڵەتی یێ زانستی ل زانکۆیا تیشک یا نێڤدەوڵەتی، ل باژێرێ سلێمانیێ ب دوماهیک هاتن.

​ئەڤ کۆنفرانسە ب هەڤکاری د ناڤبەرا چەندین زانکۆ و ناڤەندێن ئەکادیمی یێن ناڤخۆیی و نێڤدەوڵەتی دا هاتە ئەنجامدان، ژوان ژی زانکۆیا پۆلیتەکنیکی یا دهۆک ، ​زانکۆیا سلێمانیێ، ​زانکۆیا تیشک یا نێڤدەوڵەتی، ​زانکۆیا قورتوبە یا ئەهلی،​سەنتەرێ دیمۆکراسی یێ عەرەبی ل ئەلمانیا (بەرلین).

​ب نوینەرایەتیا سەرۆکا زانکۆیا پۆلیتەکنیک دهۆک پ. د. ئاری عادل، شاندێ زانکۆیێ ب سەرۆکاتیا پ. هـ. د. یەمان سامی شەریف، هاریکارێ سەرۆکێ زانکۆیێ بۆ کاروبارێن زانستی و خاندنا بلند، ب ئەندامەتیا هەر ئێک ژ پ. هـ . د. نەوزاد رەجەب زوبێر، راگرێ کۆلیژا تەکنیکی کارگێری دهۆک، و پ. هـ. د. بشیر یوسف ئیسماعیل، سەرۆکێ پشکا تەکنۆلۆژیا ژمێریاری بۆ دەمێ دوو روژان پشکداری دئەڤی کونفرانسی دا کر.

​ئەڤ کۆنفرانسە ب مەرەما بلندکرنا ئاستێ زانستی و ب هێزکرنا پەیوەندیێن ئەکادیمی د ناڤبەرا زانکۆیێن هەرێما کوردستانێ و ناڤەندێن جیهانی دا هاتە رێکخستن، و د رۆژا دووێ و دوماهیێ دا، ڤەکۆلەران ب شێوێ ئامادەبوون و ئۆنلاین ڤەکۆلینێن خۆ د بوارێن زانستێن مرۆڤایەتی، جڤاکی و تەکنۆلۆژی دا پێشکێشکرن و گەنگەشە ل سەر کرن، و ​ل دوماهیا رێورەسمان، باوەرنامێن پشکداریکرنێ و مەتالێن کۆنفرانسی ب سەر زانکۆ و سەنتەرێن هەڤپشک و ڤەکۆلەران دا هاتنە بەلاڤکرن.

​دهێتە چاڤەرێکرن ل رۆژێن ٨ و ٩ی تەموزا ٢٠٢٦ێ، دووەمین کۆنفرانسێ هەڤپشک ل کولیژ و پەیمانگەها تەکنیکی کارگێری یێن زانکۆیا پۆلیتەکنیک دهۆک بهێتە ئەنجامدان.