کورتیەک لسەر کولیژێ

کولیژا تەکنیکى کارگێری وەکى ئێک ژ سازیێن خواندنا بلند لزانکویا پولیتەکنیک/ دهوک لدیف فرمانا وەزارى یا ژمارە 14191/4 لرێکەفتى 10 تەموزا سالا 2013 هاتیە دامەزراندن و ماوێ سیستەمێ خواندنێ چوار سالن کو باوەرنامەیێن بەکالوریوسێ دهینە دان لدیف تایبەتمەندیێن خواندنا زانکویێ.

ڤەدیتنا کولیژێ

کولیژا تەکنیکى کارگێری لزانکویا پولیتەکنیک/ دهوک پیشەنگە و داهێنەرە د پێشکێشکرنا پروگرام و خزمەتێن فێرخوازیێ یێن سەردەمانە، داکو بگونجن دگەل پێشکەفتنێت سەردەمانە د بوارێن کارگێری و ژمێریارى و راگەهاندن و سیستەمێ زانیاری یێن کارگێری دا، دیسان دا بهێنە گونجاندن دگەل پێدڤیا بازارێ کارى و خزمەتکرنا جڤاکێ تایبەت د ژینگەها جیهانی یا تەکنولوژیایا هەرى زێدە دا و گەلەک هەڤرکخواز و ببتە سەنتەرەک بو پێشخستن و داهێنانێ برێکا پێشخستنا پروگرامیێن پەروەردی و بکوالێتیەکا هەرەباش.

پەیاما کولیژێ

پێشکێشکرنا فێرخوازیا تەکنولوژی یا تایبەت د بواریێن کارگێری و ژمێریارى و راگەهاندن و سیستەمێ زانیارى کارگێری دا بکوالیتیەکا هەرەباش کو قازانجەک ومفایەکێ ئارمانجکرى پەیدابکت د پروسێسا فێرخوازیێ دا برێکا بەردەستکرنا شیانێت تەکنولوژی و گەشەکرنا شیانێن هزری و پراکتیکى و کەسى یێن بهادار بو بازارێ کاری ژ دەرچویان، داکو بکارن سەربورا خوە و شیانێن خوە پیشکێشى رێکخراو و کومپانیان بکن د کەرتێ تایبەت دا لهەرێما کوردستانێ و بەرهەڤکرنا باشترینێن وان داکو بەردەوامیێ بخواندنا ماستەر و دکتورایێ بدن.

ئارمانجا کولیژێ:

  1. ئارمانجا گشتی یا کولیژێ دەرچونا نەوەیەکێ نوییە ژ گەنجان د بوارێن تەکنیکێن ژمێریارى و کارگێری وراگەهاندن و سیستەمێ زانیاریێن کارگێری، بگونجن دگەل پێشکەفتنێن زانستى و تەکنولوژیایا سەردەم.
  2. گونجان دگەل پێدڤیێن دهێنە گوهورین یێن قوتابى و رێکخراوان، و بەردەوامى دان بپێشکێشکرنا پەیرەوەو پروگرام و بابەتێن خواندنێ یێن پشت بەستنێ لسەر زانستى دکن ژبو دامەزراندنێ.
  3. باشترکرنا بها و بنەمایێن نشتیمانى و رێکخستنێ یێن کولیژێ.
  4. پێشکێکشکرنا سەربوران بو دام و دەزگەهان یێن شەهرەزایا زانستى و پراکتیکى و تیورى د بواریێن تەکنیکێن ژمێریارى و کارگێری و راگەهاندن و سیستەمێ زانیاریێن کارگێری.
  5. هەلسەنگاندنا دروستیا کارى یا کولیژێ ببەردەوامى وەکى پشکەک ژ پروسێسا پلاندانانا سترتێژى وەک بنەما بو باشترکرنا شیانێن کارى و گەرەنتیکرنا کوالیتیێ.
  6. پشتەڤانیکرنا قوتابیان لسەر زانینێ و گەهاندنا وان بئارمانجێن کارى و کەسایەتى.
  7. ڤەکرنا پەیوەندیان دگەل هەمى لایەنێن دیار ژ دەرەڤەى کولیژێ و باشترکرن و خورتکرنا پەیوەندیێن ئەرێنى دگەل برێکا ڤەکرنا کور و ورک شوپێن راهێنانێ.
  8. پێشکێشکرنا شیرەتکاریان و خواندنا زانستى و ڤەکولینان ژبو چارەکرنا ئاریشەیێن تەکنیکی و زانستى بو لایەنێن مفادار ژ دام و دەزگەهێن حکومی و کەرتێ تایبەت.
  9. دروستکرنا پەیوەندیین کارى یێن هەڤبەش دگەل رێکخراو و دام و دەزگەهێن دناڤ ژینگەها کارى دا برێکا پێکەڤەژیانێ د بواریێن پراکتیکى دناڤبەرا ژینگەها کارى و یا کولیژێ داکو بگەهنە ئارمانجێن دەستنیشانکرى ژ پروسێسا زانستخوازیێ.
بەش

ستافێ ئەکادیمی

کولیژا تەکنیکى یا کارگێرى