English
كوردى
عربي
تەکنولوجیا ژمێریاری
كورته مێژوویا پشكێ
ل سالا خوێندنێ 2013 - 2014ێ پشكا ته‌كنولۆژیا دارایى و ژمێریارى هاتیه دامه‌زراندن وه‌كو ئێكه‌م پشك دگه‌ل پشكا ته‌كنۆلۆژیا زانیارى كارگێرى ل كولیژا ته‌كنیكى كارگێرى دهوك، وژ دلسۆزیا زانكو و كولیژا مه و كارگێریا پشكێ، ئه‌ڤێ پشكێ گه‌شه‌كر ومفایه‌كێ زانستى یێ مه‌زن گه‌هاندیه قوتابیێن خۆشتڤى، هه‌روه‌سا پشت به‌ستنا ئه‌كادیمى یا پشكێن زانستى ل زانكویا مه كوپ شكێن مه د ته‌كنۆلۆژى بن. ب هاریكاریا خودێ و شیانێن هه‌مى لایه‌كى ل زانكویا وكولیژا مه، بریار هاتبوو دان ناڤێ كولیژێ بهێته گوهورین بۆ پشكا ( ته‌كنۆلۆژیا ژمێریارى) و ئێكه‌م گه‌را وه‌رگرتنا قوتابیێن درچویێن ئاماده‌یى / زانستى ل سالا خوێندنێ 2019 - 2020ێ هاتبوونه وه‌رگرتن.
دیتن
بجهئینانا جوداهیه‌كێ ل سه‌ر ئاستێ زانستى و كارگێرى ب رێكا چه‌سپاندنا ستانده‌رێن دلنیا جورى و پشت به‌ستنا ئه‌كادیمى یا كو ژ وه‌زاره‌تا خوێندنا بلند و ڤه‌كولینێن زانستى ده‌رچوى، هه‌روه‌سا ل دووڤ پێشكه‌فتنا زانستى یا ژمێریارى و موكومكرنا په‌یوه‌ندیێن پشكێ دگه‌ل جڤاكى.
نامه
دابینكرنا ده‌لیڤێن فێركرنا ته‌كنۆلۆژى ل دووڤ بسپووریا ژمێریارى بۆ قوتابیێن هه‌رێمێ دا كو ببنه ئامرازه‌كێ زانستى و به‌رهه‌مئینانێ یێن پاشه‌رۆژێ بۆ كاروبارێن ژمێریارى ل گوره‌ى ستانده‌رێن زانستى و شیانێن به‌رچاڤ ل رێكخراوێن هه‌رێما كوردستانێ یێن حكومی و نه حكومی.
بوها
شیان - باوه‌رى و راستگوى - ئاراسته به‌ره‌ڤ ئارمانجا - دادپه‌روه‌ى
ئارمانج:
ئه‌ڤ پشكه بزاڤێ دكه‌ت بۆ بجهئینانا ئه‌ڤان ئارمانجێن ل خوارێ:
- باشكرنا ئاستێ زانستى یێ پیشه‌یى یێ ماموستا و قوتابیان.
- ڤێراگه‌هشتنا پێشكه‌فتنێن زانستى و فێربوونێ دبیاڤێ بسپووریێ دا.
- دابینكرنا ژینگه‌هه‌كا گونجاى یا فێركرنێ ب باشترین شێوه بۆ قوتابیان و ماموستایان.
- دابینكرنا ده‌لیڤه‌یێن گونجاى ل دووڤ پێدڤیاتیێن پشكێ ژ شیانێن زانستى ( باوه‌رنامه‌یێن بلند).
- به‌لانس راگرتنا بزاڤان دناڤبه‌را ژینگه‌ها فێركرنێ و بازارێ كارى و خزمه‌تكرنا جڤاكى.
ساخله‌تێن قوتابیێن ده‌رچوویى:
قوتابیێن ژ ئه‌ڤێ پشكێ ده‌ردچن دێ ئه‌ڤ ساخله‌ته هه‌بن:
- دێ خودان پێزانێن ئه‌كادیمى و پراكتیكى بن بۆ هه‌مى چالاكیێن ژمێریارى یێن سه‌ره‌كى یێن ده‌ستپێكێ و پێشكه‌فتى.
- دێ شیانێن گه‌نجاندنێ هه‌بن دگه‌ل كارى دگه‌ل سیسته‌مێن ژمێریارى چ ل كه‌رتێ حكومی یان تایبه‌ت بیت.
- فێریوونا شه‌نگسته‌یێن سه‌ره‌كى یێن پرۆگرامێن كومپیوته‌رى وه‌كو وورد، ئێكسل و خشته‌یێن ئه‌لكترونى، SPSS و پۆۆگرامێ ئه‌كسس.
- قوتابى دێ شیانێن زمانێ ئینگلیزى هه‌بن بۆ برێڤه‌برنا كاروبترێن خو و بتایبه‌تى دبیاڤێ ژمێریارى و دارایى و بانكان دا.