هەواڵێن سەرەکی

دهۆك

​ب مه‌ره‌ما موکمکرنا په‌یوه‌ندیێن زانستی و هه‌ماهه‌نگیا هه‌ڤپشك، شانده‌كێ بلند یێ زانكۆیا پۆلیتەكنیكی یا دهۆك ب سه‌رۆكایه‌تیا پ. د. موئه‌یه‌د به‌ركات,هاریكارێ سه‌رۆكێ زانكۆیێ بۆ كاروبارێن كارگێری و دارایی، و ب ئاماده‌بوونا پ.هـ.د. بزاف ناجی رشید, راگرێ کولیژا تەکنیکى یا تەندروستى وپزيشكى - شێخان و هەر سێ سه‌رۆك به‌شێن زانستی یێن كۆلیژا ناڤهاتی، سه‌ره‌دانا رێڤه‌به‌ریا گشتی یا ساخلەمیا پارێزگه‌ها دهۆكێ كر و ژ لایێ د.افراسیاب موسی, رێڤەبەرێ گشتی یێ ساخلەمی یا دهۆكێ ڤه‌ هاتنه‌ پێشوازیكرن

دروینشتنەکێ دا ​شاندێ زانکۆیێ سۆپاسیا رێڤەبەریا گشتی یا ساخلەمیێ کڕ بۆ ماندی بوون و هەڤپشکی یا کاری دگەل زانکۆیێ، وژلایەکێ دیڤە دیتنێن هه‌ڤپشک دچه‌ند ته‌وه‌رێن گرنگ دا هاتنه‌ بەحسکرن، مینا ​بهێزكرنا په‌یوه‌ندیان و پەرەپێدانا هه‌ماهه‌نگیێ د ناڤبه‌را هه‌ردوو دامه‌زراوه‌یان دا بۆ خزمه‌تكرنا كه‌رتێ ته‌ندروستی و زانستی، و هەردیسان ​راهێنانا قوتابیان ژی هاتە بەحسکرن پێخەمەت دابینكرنا ده‌لیڤێن مه‌شق و راهێنانێن پراكتیكی بۆ قوتابیێن پشكێن پزیشكی و ته‌كنیكی یێن زانكۆیێ د ناڤ نه‌خۆشخانه‌ و بنكه‌یێن ته‌ندروستی دا، ژلایەکێ دیڤە ​هه‌ماهه‌نگیا زانستی وئه‌نجامدانا چالاكی و پڕۆژه‌یێن هه‌ڤپشك كو ببنه‌ ئه‌گه‌رێ بلندكرنا ئاستێ خزمه‌تگوزاریێن ته‌ندروستی ل پارێزگه‌ها دهۆكێ هاتنە بەحسکرن

​ل دویماهیێ، هه‌ردوو لایه‌نان تەکەزی ل سەر بەردەوامیا ڤان جۆرە سەرەدانان و بجهئینانا خالێن هەڤپشک كرن، ب مه‌ره‌ما په‌ره‌پێدان و پێشخستنا زانستی و پراكتیكی یا كادرێن ته‌ندروستی یێن پاشه‌رۆژێ.