English
كوردى
عربي
نوینەرێ سەرۆکێ زانکۆیێ پشکداری د کۆمبوونا پێشخستنا خواندنا تەکنیکی و پیشەیی ل عیراقێ (TVET 3) دا کر
ل هۆلا مێهڤانداریا سەرۆکاتیا جڤاتا وەزیران، نوینەرێ پ. د. ئـــاری عـــادل، سەرۆکا زانکۆیا پۆلیتەکنیکی دهۆکێ، د. شێروان مستەفا, رێڤەبەرێ رێڤەبەریا پەیوەندیێن نێڤدەولەتی، پشکداری د سێیەمین کۆمبوونا لژنەیا ئاراستەکرنێ یا پرۆژێ
“خواندن و ڕاهێنانا تەکنیکی و پیشەیی یا کەسک و دجیتال بۆ بهێزکرنا دەلیڤەیێن کاری ل عیراقێ (TVET 3) دا کر.
ئەڤ کۆمبوونە ب بەرهەڤبوونا د. حامید ئەلموسەوی، سەرۆکێ لژنەیا بلندا پێشخستنا خواندنێ ل عیراقێ، دگەل نوینەرێن وەزارەتێن پەیوەندیدار، رێکخراوا یونسکۆ وئێکەتیا ئەوروپا هاتە ئەنجامدان.
دئەڤێ کومبونێ دا دانوستاند لسەر چەندین تەوەرێن سەرەکی هاتە کرن کۆ پێک دهاتن ژگوتووبێژکرنا پێشڤەچوونێن بجهئینانا پرۆژەی، دانانا پلانێن داهاتی بۆ پێشخستنا سیستەمێ خواندنا تەکنیکی دا دا کو ل گەل گوهۆڕینێن کەسک و دجیتال بگونجیت، دابینکرنا پێدڤیاتیێن بازاڕێ کاری، دوپاتکرن ل سەر گرنگیا هەماهەنگیێ د ناڤبەرا سازیێن حکومی و شەریکێن نێودەولەتی دا بۆ پێشخستنا شیانێن گەنجان و زێدەکرنا دەلیڤەیێن کاری و پشتەڤانیکردنا گەشەپێدانا بەردەوام.
دهێتە زانین پشکداریا زانکۆیا پۆلیتەکنیکی یا دهۆکێ ژبەر رۆلێ وێ یێ پێشەنگ دهێت د پشتەڤانیکردنا پرۆسەیا خواندنا تەکنیکی و پیشەیی دا، و پشکداریا وێ یا کارا د دەستپێشخەریێن نیشتمانی دا بۆ ئامادەکرنا کادرێن خودان شیان و شارەزا کو بشێن دگەل پێتڤیاتیێن نوو یێن گەشەپێدانێ و بازاڕێ کاری هەڤگاڤ بن