هەواڵێن سەرەکی

دهۆک

​ل ژێر چاڤدێریا پ. د. ئــاری عــادل، سەرۆکا زانکۆیا پۆلیتەکنیک دهۆک، و ب ئامادەبوونا بەرێز شکری جمیل نوری سەرۆکێ ژورا بازرگانی و پیشەسازی ل دهۆکێ، ئەندامێن جڤاتا زانکۆیێ، ئەڤرۆ رۆژا ئێک شەمبی رێکەفتی ٢٤ی ئایارا ٢٠٢٦ێ، ل دەمژمێر ١٠:٠٠ی سپێدێ ل ئاڤاهیێ سەرۆکاتیا زانکۆیێ، سێیەمین پیشانگەها دەلیڤێن کاری ژ لایێ سەنتەرێ گەشەپێدانا کاری (CDC) ڤە هاتە ئەنجامدان.

​ئەڤ پیشانگەهە ب مەرەما دروستکرنا پرەکا بهێز د ناڤبەرا زانکۆیێ، جڤاکی و کۆمپانیان دا، و هەروەسا بۆ رەخساندنا دەلیڤێن کاری بۆ دەرچوویێن زانکۆ و پەیمانگەهێن پارێزگەها دهۆکێ هاتیە رێکخستن.

​دپیشانگەها ئەڤسالە دا ٣٥ کۆمپانیێن کەرتی تایبەت پشکدارن، کو شیاینە ١٨٧ دەلیڤێن کاری بۆ دەرچوویێن زانکۆ و پەیمانگەهان و گەنجێن پارێزگەها دهۆکێ دابین بکەن.

​مێژویا پیشانگەهێن کاری ل زانکۆیێ

​زانکۆیا پۆلیتەکنیک یا دهۆک بەردەوام یا پێشەنگ بوویە د پشتەڤانیکرنا گەنجان دا، و د ڤی واری دا ئەڤ

• پێشەنگایەتیە ب ڤی رەنگی بوویە : پیشانگەها ئێکێ یا ساڵا (٢٠٢١): ب هەڤکاری دگەل رێکخراوا (NRC) هاتبوو ڤەکرن، کو تێدا پتر ژ ٨٣ کۆمپانیان پشکداری کربوو و ٢٠٧ دەلیڤێن کاری هاتبوونە رەخساندن.
• هەروەسا ​پیشانگەها دووێ (٢٠٢٣): ب هەڤکاری دگەل رێکخراوا پرۆگرامێ خواراکا جیهانی (WFP) ژ پرۆژێ (جسور) هاتبوو ڤەکرن، کو ٣٨ کۆمپانیان تێدا پشکداری کربوو و ١٠٣ دەلیڤێن کاری بۆ گەنجێن دەڤەرێ هاتبوونە بەرهەڤکرن.

​ژ سەرجەمێ هەر سێ پیشانگەهێن کاری یێن کو هەتا نوکە ژ لایێ زانکۆیا پۆلیتەکنیک یا دهۆک ڤە هاتینە رێکخستن، پتر ژ ٤٨٧ دەلیڤێن کاری بۆ گەنج و دەرچوویێن دەڤەرێ هاتینە پەیداکرن، ئەڤ چەندە ژی رۆلێ کاریگەر یێ زانکۆیێ د کێمکرنا رێژەیا بێکاریێ و پشتەڤانیکردنا شیانێن گەنجان دا دیار دکەت.