ژیـانـا خـو بـژی و ئـارمـانـجـێـت خـو ب جـه بـیـنـە

هەر زانکویەک دەمێ دهێتە دانان دیتنەک یا هەی, و دیتنا زانکویا پولیتەکنیک یا دهوک ئەوە کو بیتە سەرکێش ل فێرکرنا پولیتەکنیکی و راهێنان و ڤەکولینێ و کار بهێتە کرن بەرەف پێشڤەبرنا هەرێما کوردستانێ. هەر وەسا بەرهەڤکرنا دەرچوویێت تەکنیکی یێت ژێهاتی و ڤەکولەرێت زانا و داهێنەر کو دئاستەکێ بلند دا بن و لدویف پیڤەرێت دلنیایی جوری یێت نیڤ دەولەتی ب هەماهەنگی دگەل پێدڤیێت بازاری و کەرتێ حکومی و یێ تایبەت.

زانکویا پولیتەکنیک یا دهوکى دەرفەتێ د دەتە تە, تایبەتمەندیا دویف حەزا خو بخوینی. ل زانکویا مە دا چەندین کولیژ و پەیمانگەهێن جورا و جور ییت هەین, کو دێ هاری تە کەن ژبو بلندکرنا ئاستێ تە یێ زانستی و بدەستڤە ئینانا باوەرنامێ. زانکویا پولیتەکینیک یا دهوک پێک دهێت ژ 6 کولیژ و 8 پەیمانگەها, کو چەندین تایبەتمەندێن پزشکی, ئەندەزیاری, کارگێری و تەکنیکی تێدا هەنه. هەر وەسا, خواندن ل ڤان تایبەتمەندیا دێ دەلیڤێت کاری بوتە زیدەکەت, و وەک دیار کو روژ بو روژێ هەماهەنگی ژبو بدەستڤە ئینانە دەلیڤیت کاری زێدەدبیت.

زێدەباری چالاکیێن زانستی, ل زانکویا پولیتەکنیک یا دهوک تو دشێی چەندین چالاکیێن دی ئەنجامدەی و ب هاریکاریا ئێکەتیا قوتابیێن کوردستانێ وەک: گەشتێن زانستى, قارەمانیێن وەرزشی, و چالاکیێن هونەری و پارستنا ژنگەهێ.

ئەم ل زانکویا پولیتەکنیک یا دهوک دزانین کو قوتابی و گەنج شەنگستێ پێشڤەچونێ یە, هەروەسا ئەم د دانین وەک وەبەرهینان د ئایندەیدا ژبو ئاڤاکرنا هەرێما کوردستانی. لەورا ئەم کار دکەین بو ئامادەکرنا هەمی پێدڤیان ژبو پێشڤەبرنا ڤى وەبەرهینانێ.

ب رێکا لیستا "ئەکادیمی" (ل سەری) دێ شێی سەرەدانا مالپەرێ هەر کولیژەک یان پەیمانگەهکێ کەی دا پێزانینێت تمام ل سەر وەرگری.