English
كوردى
عربي
ساخلەمیا تە سەروەت و سامانێ تەیە
قەدشێ
٢٨-٤-٢٠٢٦
د چارچوڤێ چالاکیێن زانستی و خزمەتگوزاریێن جڤاکی دا، و ل ژێر دروشمێ
"ساخلەمیا تە ئێکەم سەروەت و سامانێ تەیە"
کولیژا تەکنیکی تەندروستی و پزیشکی ل شێخان ڤیستەڤالەکا بەرفرەهـ یا ساخلەمیێ ل کومەلگەها قەدشێ ئەنجامدا.
ئەڤ ڤیستەڤالە ل ژێر چاڤدێریا راستەوخۆ یا پـ.هـ.د. بزاڤ ناجی، راگرێ کولیژا تەکنیکی تەندروستی و پزیشکی شێخان، و ب سەرپەرشتیا مامۆستایێن پسپۆر د. بلند بیار؛ م. ڤەمان عبدالعزیز؛ و م. ئارین اسکندر، هاتە برێڤەبرن.
ئەڤ کارە ب هەماهەنگی دگەل رێڤەبەریا گشتی یا ساخلەمیا پارێزگەها دهۆکێ پشکا ئێشێن ڤەگر و نەڤەگەر و پەیمانگەها تەکنیکی یا ئارارات هاتبوو رێکخستن.
قوتابیێن پشکا تەندروستی گشتی ب شێوەیەکێ مەیدانی رابوون ب:
- پشکنینا رێژەیا شەکرێ د خوینێ دا بۆ هاوەلاتیان،
- پێڤانا فشارا خوینێ،
- بەلاڤکرنا زانیاریێن خۆپاراستنێ ژ نەخۆشیێن دومدرێژ،
- بلندکرنا ئاستێ هشیاریا تەندروستی ل دور شێوازێ ژیانا ساخلەم.
دهێتە زانین کۆ ئەڤ جورە چالاکیە وەک بەشەکێ سەرەکی نە ژ پلانێن قوتابیان یێن سالانە، داکو قوتابی بشێن زانیاریێن خۆ یێن تیۆری د پراکتیکێ دا بکاربینن و ل هەمان دەم خزمەتەکا بێ بەرامبەر پێشکێشی جڤاکی و هاوەلاتیێن دەڤەرێ بکەن، و ژبەر ئەڤێ چەندێ هاولاتیێن کومەلگەها قەدشێ دەستخۆشی ل ستافێ کولیژێ و قوتابیان کر بۆ ڤێ دەسپێشخەریا گرنگ کو د بەرژەوندیا ساخلەمیا گشتی دایە.