هەواڵێن سەرەکی

ئەڤرو روژا دوو شەمبى رێکەفتى 22/01/2024 (پ. د. یەمان سامی شەریف) هاریکارێ سەرۆکا زانکۆیێ بۆ کاربارێن زانستی و (پ. د. نوزت صادق) هاریكاری سەرۆکا زانکۆیێ بۆ کاروبارێن قوتابیان و هژمارەکا رێڤەرێن سەرۆکاتیا زانکۆیێ پێشوازیا نوینەرێن رێکخراوا Cowater International هەر ئێک ژ(مارک جوزێف ، برایین میشێل و روجێری)کر، و دروینشتنەکێ دا دانوستاند ل سەر خورتکرنا پەیوەندییان و ئەنجامدانا هژمارەکا چالاکییان دبوارێ پێشخستنا شیانێن ستافێ زانکۆیێ و پێشڤەبرنا سیستەمێن ئەلیکترونى دا کر، کو ئەو کاروچالاکیە ژ پروژێ Isdeharak ئەوێ ژلایێ ئێکەتیا ئەوروپا و رێکخراوا GIZ یا ئەلمانى دهێتە پشتەڤانیکرن بهەڤکاریا چەندین دام و دەزگەهێن حکومى لـ هەرێما کوردستانێ و عیراقا فیدرال، ژلایەکێ دیڤە هەر دوو لایان تەکەزی لسەر وێ چەندێ کر کو ئەڤ چالاکیە ژلایێ سەنتەرێ گەشەپێدان بو کارى ب هەفکاری دگەل رێڤەبەریا تەکنولوژیا زانیاریان، و رێڤەبەریا راگەهاندنێ بهێنە ئەنجامدان.