هەواڵێن سەرەکی

ب مەرەما هەماهەنگی و دەستپێکرنا هەوا نیشتمانی بۆ ڕووبەڕوو بوونەڤەیا ماددێن هۆشبەر، پ. د. ئاری عادل، سەرۆکا زانکۆیا پۆلیتەکنیک دهۆک، ل سەرۆکاتیا زانکۆیێ پێشوازی ل شاندێ دەزگەهێ خێرخوازی یێ بارزانی کر، یێ پێکهاتی ژ د. ڕەوشت ڕەشید، ڕاوێژکارێ دەروونی یێ دەزگەهێ خێرخوازیێ بارزانی، و خانم کاژین, بەرپرسا هەوا نیشتمانی یا ئەڤێ هەوێ تایێ دهۆکێ.

د روونشتنەکێ دا و ب ئامادەبوونا د. موئەیەد بەرەکات، هاریکارێ سەرۆکا زانکۆیێ بۆ کاروبارێن کارگێری و دارایی، دانوستاندن لسەر چەندین خالێن گرنگ لسەر دەستپێکرنا هەوا نیشتمانی هاتە کرن ودەستپێکا بەحسا چەوانیا دەستپێکرنا "هەوا نیشتمانی یا ڕووبەڕووبوونەڤەیا ماددێن هۆشبەر" د ناڤا کەمپەسێن زانکۆیا پۆلیتەکنیک دهۆک دا هاتە کرن، و لدور ​چالاکییێن هۆشیاری ژی بڕیار هاتەدان کو زنجیرە سمینار، وۆرک شۆپ، و چالاکییێن زانستی بۆ قوتابی، مامۆستا و فەرمانبەران بهێنە رێکخستن، هەروەسا ل دور ​بەلاڤکرنا ڕێنماییان ژی جەخت ل سەر بەلاڤکرنا نامیلکە و پوستەرێن ڕێنمایی هاتەکرن ب مەرەما ناساندنا زەرەرێن دەروونی، جەستەیی و جڤاکی یێن ماددێن هۆشبەر.

ژلایێ خوڤە پ. د. ئـــاری عــــادل"​سەرۆکا زانکۆیێ ل دور ئارمانجا هەوا هەڤپشک پشتەڤانیا زانکۆیێ دا دیارکرن، و دوپات کر کو ئەڤ پێنگاڤە د چوارچۆڤێ بەرنامێ زانکۆیێ دایە بۆ پاراستنا جڤاکێ ئەکادیمی و بلندکرنا ئاستێ هۆشیاریێ ل دۆر مەترسیێن ماددێن هۆشبەر، و دابینکرنا ژینگەیەکا ساخلەم بۆ پرۆسەیا خاندنێ ل هەمی کۆلیژ و پەیمانگەهێن تەکنیکی یێن سەر ب زانکۆیا پۆلیتەکنیک دهۆک ڤە.