هەواڵێن سەرەکی

دهۆک

​ل رۆژا دوو شەمبی ڕێکەفتی 29/6/2026، ل دەمژمێر 10:00 سپێدێ ل ئاڤاهیێ سەرۆکاتیا زانکۆیێ، جڤاتا زانکۆیا پۆلیتەکنیک دهۆک کۆمبوونا خویا ئاسایی یا ژمارە (6) بۆ سالا خواندنێ 2025-2026 ب سەرپەرشتیا بەرێز سەرۆکا زانکۆیێ، پ. د. ئــــــاری عــادل، و ب ئامادەبوونا ئەندامێن جڤاتێ و نوینەرێ ماموستا و قوتابیان ئەنجامدا، د ڤێ کۆمبوونێ دا، دانوستاندن ل سەر پێنچ تەوەرێن گرنگ هاتە کرن.

​ل دەستپێکا کۆمبوونێ، سەرۆکا زانکۆیێ هژمارەکا راسپاردە و رێنمایان پێشکێشی ئەندامێن جڤاتێ کرن ب مەرەما پێشخستنا رەوشا زانستی و ئەکادیمی یا زانکۆیێ. دیڤدا ب شێوەیەکێ تێر و تەسەل بەحس ل خالێن کونوسێ کومبونێ هاتە کرن،

تەوەرئێکێ: کاروبارێن کارگێری دا بەحس ل دەواما ماموستا و فەرمانبەران ل هەر دوو هەیڤێن 7 و 8 هاتە کرن.

تەوەرێ دووێ: کاروبارێن زانستی هاتنە بەحسکرن وتەکەزی لسەر لیژنێن راوێژکاری و سیستەمێ برێڤەبرنا پەرتوکخانەیان و پلە بەرزکرنا ماموستایان هاتە کرن.

تەوەرێ سێیێ:دانوستاندن لسەر گرنگی و پشکداری و هەڤپشکی یا زانکۆیێ د سێ کۆنفرانسێن زانستیێن نێڤدەولەتیێن گرنگ دا هاتە کرن ئەوێن دهێنە چاڤەرێکرن ل هەر سێ هەیڤێن 9 و 10 و 11 بهێنە گێڕان.

دتەوەرێ چوارێ دا: کاروبارێن قوتابیان هاتنە بەحسکرن کو بابەتێن بەشێن نافخوی و سالناما زانکۆیێ و مەشقا هاڤینێ بخۆ ڤە دگرتن.

تەوەرێ پێنجێ:رێنما و خەرجکرنا شایستەیێن دارایێن ڤەکۆلینان هاتنە گەنگەشەکرن.

ل دویماهیێ سەرۆکا زانکۆیێ ئاماژە ب وێ چەندێ کر کو ئەو پرسیار و پێشنیاز و راسپاردێن هاتنە ئاراستەکرن ل دویف رێنمایان دێ هێنە جێبەجێکرن پێخەمەت باشتر برێڤەبرنا کاری و خزمەتکرنا زێدەتر یا ماموستا و فەرمانبەر و قوتابیان.