English
كوردى
عربي
سەرۆكا زانكۆیا پۆلیتەکنیک دهۆک پشكدارى د ئێکەمین کۆنفرانسێ نێودەوڵەتییێ زانكۆیا ئاكرێ بو زانستێن كرداری دا كر
ب ئامادەبوونا د. سەباح ئیبراهیم وەیس، ڕاوێژکار و نوێنەرێ بەڕێز وەزیرێ خوێندنا بلند و ڤەکۆلینێن زانستی، و بەرێز پ. د. ئاری عادل، سەرۆكا زانكۆیا پۆلیتەکنیک دهۆک، و ژمارەیەکا ئهندامێن پهرلەمانێ كوردستانێ و ئهنجوومەنێ نوێنەرێن عێراقێ، سەرۆک زانکۆیێن هەرێما کوردستانێ، بەرپرس و نوێنەرێن دامودەزگەهێن حکومی، و کەسایەتییێن ئەکادیمی، ڤەکۆلەر و مامۆستایان ڕۆژا ئێکێ یا کۆنفرانسێ نێودەوڵەتییێ زانستێن کرداری و پێشخستنێ (ICASD2026) ل هۆلا کۆنفرانسێن زانکۆیا ئاکرێ دەستپێکر.
کۆنفرانس دێ بۆ دەمێ دوو ڕۆژان (د ناڤبەرا ١٥ بۆ ١٦ی ئەیلوولا ۲۰۲٦) بەردەوام بیت، کو پێنگاڤەکا گرنگ و ستراتیژییە بۆ پێشئێخستنا زانستێن پرۆژەیی و گرێدانا وان ب پێدڤییێن بازاڕێ کاری و پرۆسەیا پێشخستنا بەردەوام ڤە.
د ڕۆژا ئێکێ یا کۆنفرانسی دا، پشتی پێشکەشکرنا پەیاما ڕێکخەرێن کۆنفرانسی، پەیاما بەخێرهاتنێ ژلایێ سەرۆکێ زانکۆیا ئاکرێ یا زانستێن کرداری و پەیاما بەڕێز نوێنەرێ وەزیرێ خوێندنا بلند و ڤەکۆلینێن زانستی هاتنە پێشکەشکرن. هەڤدەم ب پشکداریا ژمارەیەکا ئامادەبوویان، دوو پانێلێن زانستی یێن گرنگ دەربارەی پێدڤییێن دامەزراوەیێن زانستێن کرداری و گونجاندنا پرۆگرامێن خوێندنێ دگەل داخوازییا بازاڕێ کاری هاتنە بڕێڤەبرن.