هەواڵێن سەرەکی

ئەڤرۆ رێککەفتی 8/10/ 2025 رێکخراوا یونسکۆ و ئێکەتیا ئۆرروپا پڕۆژێ خواندن و ڕاهێنانا تەکنیکی و پیشەیی یا کەسک و دیجیتاڵی بۆ بەهێزکرنا دەلیڤێن کاری ل عێراقێ دەستپێکرد.

ب ئامادەبوونا نوینەرێن رێکخراوا یونسکۆ و ئێکەتیا ئۆروپی ونوینەرێن وەزارەتا خواندنا بلند و ڤەکولینێن زانستی، وەزارەتا پەروەردێ، زانکۆێن تەکنیکی ل هەرێما کوردستانێ و عیراقا فیدرال و نوینەرێ وەزارەتا کار و کاروبارێن جڤاکی، و ئێکەتیا پێشەسازیێن عیراقێ ئێکەم کومبوونا پرۆگرامێ TVET3 ل دیوانا جفاتا وەزیران هاتە ئەنجامدان

دئەڤێ کومبوونێ دا "پ. د. ئــاری عـــادل "سەرۆکا زانکۆیا پۆلیتەکنیک دهۆک ب رێکا ئونلاین پشکداری کڕ و ئارمانج و چالاکی و پلانی کاری یا شەش هەیڤێن ئێکێ هاتنە پێشکێشکرن پێخەمەت مسۆگەرکرنا دەستپێکەکا کاریگەر وکارا بۆ بدەست ڤەئینانا ئەنجامێن داخوازکریێن پروژەی

بۆ دەمێ سێ سالایە زانکۆیا پۆلیتەکنیک دهۆک پشکداریەکا چالاک دئەڤی پروژەی دا هەی و پروژە TVET3 دێ هەتا ساڵا 2027 بەردەوام بیت و ئارمانجا وێ " پشتەڤانی و پەیڕەوکرن و جێبەجێکرنا سیاسەت و ستراتیجی و پلانا کاری یا پێدڤیە بۆ کەسکرن و گۆهڕینا دیجیتاڵی ل پارێزگەهین ئارمانجگرتیێن عێراق، ژلایەکێ دیڤە بەرزکرنا کوالیتیا خزمەتگوزاریێن خواندن و ڕاهێنانا تەکنیکی و پیشەیی یا بازاڕی ل پارێزگەهێن ئارمانجگرتیێن عیراقێ بتایبەتی دبوارێن ئابووری یا کەسک و دیجیتاڵی دا، هەروەسا پێشخستنا ڕۆڵێ ڕێکخراوێن کۆمەڵگەهێن مەدەنی دپەیداکرنا دەلڤێن خواندن و ڕاهێنانا تەکنیکی و پیشەیی دا بۆ هەمی گەنجان بتایبەتی ئەوێن کۆ پێدڤی ب پشتەڤانیێ هەین ل پارێزگەهێن ئارمانجگرتیێن عێراقێ.

ئەڤ پڕۆژە 7 زانکۆیێن تەکنیکیێن عیراقێ بخۆڤە ووگریت کۆ 3 زانکۆێن هەرێما کوردستانێ دگەل دانە و ژبلی زانکۆیا تەکنەلۆژیا بەغدا. هەروەسا 8 قوتابخانەیێن پیشەیی ل بەغدا و نەینەوا و هەولێر و سەلاحەدین و بابل و دیوانیە و ذی قار و بەسرە بخۆڤە گریت، و دوو سەنتەرێن ڕاهێنانا پیشەیی ل سەلاحەددین و بەسرە هەنە.

ژبۆ ئەڤێ مەرەمێ نوێنەرێن حکومەتێ سۆپاسیێن خۆ ئاراستەی ئێکەتیا ئۆروپا کڕن بۆ پشتەڤانیا بەردەوام بۆ کەرتێ پەروەردێ ل عێراقێ و هەروەسا بۆ یونسکۆ بۆ بزاڤێن وان یێن دجێبجێکرنا پرۆگرام و پرۆژەیان کۆ خزمەتێ بۆ گەنجان بکەت و شیانێن وان کو بۆ بازارێ کاری بەرهەڤبکەت پێخەمەت بەرهنگاربوونا گۆهڕینا کەش وهەوای.