هەواڵێن سەرەکی

بهێزکرنا ژنێن خودان پێدڤیێن تایبەت دناڤ ئاشتى و ئاسایشێ دا د چالاکیەکا تایبەت دا هاتە بەحس کرن

ئەم بەردەوامین لسەر بجهـ ئینانا ئارمانجێن گەشەپێدانا بەردەوام( SDGs )

وەکو ئێک ژ ئارمانجێن گەشەپێدانا بەردەوام ( SDGs) و ل بن ناڤ و نیشانێن "بهێزکرنا ژنێن خودان پێدڤیێن تایبەت دناڤ ئاشتى و ئاسایشێ دا" ل روژا دوو شەمبى رێکەفتى ٢٦/١/٢٠٢٦زانکۆیا پۆلیتەکنیک دهۆک/ کولیژا تەکنیکى یا کارگێرى ب هەماهەنگى دگەل رێکخراوا لوتس فلاوەر ( The Lotus Flower ) رابون ب رێکخستنا چالاکیەکا تایبەت ژبو خزمەتکرنا تەخا خودان پێدڤیێن تایبەت.

ل ژێر چاڤدێریا سەرۆکا زانکۆیا پۆلیتەکنیک دهۆک پ. د. ئارى عادل، و ب سەرپەرشتیا راگرێ کولیژا تەکنیکی یا کارگێرى پ.هـ.د.نوزاد رجب زبیر، و ب ئامادەبونا هاریکارێ سەرۆکا زانکۆیێ بو کاروبارێن کارگێرى و دارایى پ.د.مؤید برکات و چەندین کەسایەتیێن حزبى و حکومى و لەشکەرى و جڤاکى و کومەکا ماموستا و قوتابى و هژمارەکا تەخا ئاماژە پێکرى، ب مەرەما پشتەڤانیکرنا تەخا خودان پێدڤیێن تایبەت دناڤ جڤاکى دا ئەڤ چالاکیە ژ لایێ مەڤە هاتە رێکخستن.

ل دەستپێکا ڤێ چالاکیێ پەیڤا بخێرهاتنێ ژ لایێ راگرێ کولیژێ پ.هـ.د.نوزاد رجب زبیر، ڤە هاتە پێشکێشکرن و دیسان پانێڵەک ل ژێر ناڤ و نیشانێن

(هەر شیانەک گرنگە: ئاڤاکرنا دیدەهێن پوزەتیف د جڤاکى دا)

هاتە ب رێڤەبرن ژلایێ کچەکا خودان پێدڤیێن تایبەت ب پشکداریا هەر ئێک ژ د.تغرید سامى، د.ئاماد کاظم و م.خالد عثمان ، و د دیڤدا د چەندین برگە و تەوەرێن جودا دا رولێ ژنێ ب تایبەت ژنێن خودان پێدڤیێن تایبەت دناڤ جڤاکى دا بلند هاتە نرخاندن و هەردیسان چەندین رێز و سوپاسى ب کەسانێن هاریکار و پشتەڤانێن ڤێ تەخێ هاتنە بەخشین کو ئێک ژوان راگرێ کولیژامە.

ل دوماهیا ڤێ چالاکیێ ژى بازارەکێ بەرهەمێن کارێن دەستى یێن خانمێن دەست رەنگین و خودان شیان یێن ڤێ تەخێ هاتە ڤەکرن.

ئەم وەکو زانکویا پولیتەکنیکى یا دهوک ب رێکا ڤان جوره هەماهەنگیا دوپاتیێ لسەر پێگەهەکێ بهێز دکەین بو خزمەتکرنا هەمى تەخ و چینین جڤاکى ب گشتى و تەخا خودان پێدڤیێن تایبەت ب تایبەتى.