هەواڵێن سەرەکی

لژێر چاڤدێریا پ. د. ئــاری عــادل سەرۆکا زانکۆیا پۆلیتەکنیکی یا دهۆکی،ل رۆژا سێشەمبی، رێکەفتی ٢١ی نیسانا ٢٠٢٦ێ، خولەکا ڕاهێنانا ڕاهێنەران (ToT) ژلایێ ستافێ زانکۆیێ ڤه بۆ هژمارەکا مامۆستا، فەرمانبەر، و قوتابیێن هەلبژارتی ڤە هاتە ڤەکرن و دێ بۆ ماوێ شەش روژان یا بەردەوام بیت، و ئەڤ خولە دێ وەکی سەکۆیەکی بیت بۆ ئاڵوگۆڕکرنا زانیاریان، کو ل سەر بنەمایێ خولێن پێشتر یێن ل زانکۆیێن ئەوروپی هاتینە ئەنجامدان بهێتە دارشتن، و وەک ئەرکەکێ زانکویێ د پرۆژێ نێڤدەولەتی یێ RISE دا ئەوێ دهێتە سەرپرشتیکرن ژلایێ ئێکەتیا دەریا سپیUNIMED ڤە.

ل دەسپێکا رێورەسمێن ڤەکرنا خولێ پ. د. ئـــاری عــادل، سەرۆکا زانکۆیێ دپەیڤەکێ دا بخێرهاتنا ئامادەبوویان کڕ و تەکەزی ل سەر گرنگی یا ستراتیژی یا هەماهەنگیا نێڤدەولەتی و ئاڵوگۆڕکرنا زانیاریان و پێشخستنا شیانان کر، پێخەمەت بەرەف پێشڤەبرنا سیستەمێ خاندنا بلند، وژلایەکێ دیڤە ئاماژە ب پابەندبوونا زانکۆیێ دا بۆ هاندانا داهێنانێ و بلندکرنا کوالیتیا ئەکادیمی و بەرهەفکرنا دەرچوویان بۆ دابینکرنا پێدڤیێن بازارێ کاری یێ بەردەوام دگوهۆڕینێ دا.

دهێتە زانین پرۆژێ RISE بۆ بێهێزکرن و تێکهەلکرنا شارەزاییانە بۆ بدەسڤەئینانا دەلیڤێن کاری و نێڤدەولەتیکرنێ ل هەرێما کوردستانا عیراقێ و حەفت زانکۆیێن هەرێما کوردستانێ و دوو زانکۆیێن ئەوروپی، زانکۆیا مۆرسیا ل ئیسپانیا وزانکۆیا نێڤدەولەتی یا رۆما ل ئیتالیا، ئارمانجا سەرەکی یا پرۆژەی بێهێزکرنا شیانێن دامەزراوەیی یە د بوارێ نێڤدەولەتیکرنێ دا و پرکرنا ڤالاهیایە د ناڤبەرا دەرئەنجامێن خاندنا بلند و پێدڤیێن بازارێ کاری دا.

هەروەسا ئەڤ بەرنامێ ڕاهێنانێ چەندین تەوەرێن گرنگیێن گرێدای ب گەشەپێدانا خاندنا بلند بخۆ ڤە دگریت، ژ وان ژی: ستراتیژیێن نێڤدەولەتیکرنێ، باشترکرنا دەلیڤێن کار، لۆژیکا لڤینا ئەکادیمی، رۆلێ ڤەکۆلینێ د پێشخستنا زانکۆیێ دا، پەیوەندی دگەل دەرچوویان، داهێنان د پڕۆگرامێن خاندنێ دا، و چەوانیا رێکخستنا پێشانگەهێن کار و دەستخستنا دەلیڤێن ئەکادیمی یێن جیهانی.

هەردیسان ب رێکا ڤێ دەسپێشخەریێ،زانکۆیا پۆلیتەکنیک دهۆک دێ دووبارە پابەندبوونا خۆ دیار دکەت بۆ بەرفرەهکرنا هەڤپشکێن نێڤدەولەتی و بلندکرنا ئاستێ زانستی یێ زانکۆیێ، دا کو جڤاکێ ئەکادیمی بشێت خۆ دگەل گوهۆڕینێن جیهانی بگونجینیت.