هەواڵێن سەرەکی

ژ چارچۆڤێ ئامادەکارییان بۆ ئەنجامدانا ئێکەم کۆنفرانسێ نێڤدەولەتیێ ژیرییا دەستکرد بناڤێ

The 1st International Conference on Artificial Intelligence in Engineering and Applied Science / ICAIEAS2026, 17-18 June 2026, Hybrid Conference.

حەفتەمین کۆمبوونا بلندا لژنەیا ئامادەکار ل سەرۆکاتییا زانکۆیا پۆلیتەکنیکی یا دهۆک ب ئامادەبوونا پ. د. ئـــاری عــادل، سەرۆکا زانکۆیێ، و ب پشکدارییا هاریکارێن سەرۆکا زانکۆیێ و شاندێن بلند یێنزانکۆیا زاخۆ، زانکویا ئاکرێ بو زانستێن کرداری ، و زانکویا سۆران، هاتە ئەنجامدان.

ل دەستپێکا کومبوونێ سەرۆکا زانکۆیێ پ. د. ئـــاری عــادل، دپەیڤەکێ دا بخێرهاتنا شاندێن زانکۆیێن پشکدار کڕ و خوشحالییا خۆ نیشان دا کو زانکۆیا پۆلیتەکنیکی یا دهۆک دێ ئێک ژ زانکۆیێن هەڤپشکێن ئەڤێ چالاکییا زانستی یا مەزن بیت و راگەهاند کو ئەڤ کۆنفرانسە دێ بیتە وەرچەرخانەکا گرنگ بۆ ئالوگۆڕکرنا ئەزموونێن زانستی دناڤبەرا زانکۆیێن ناڤخۆیی و یێن جیهانی دا.

​

​د ڤێ کۆمبوونا گرنگ دا، تەوەرێن سەرەکی ب سەرپەرشتیا هاريكارێ سه‌روكێ زانكۆيێ بو كاروبارێت زانستى وخواندنا بلند پ. هـ. د. یەمان سامی شەریف، هاتنە بەحسکرن و چەندین خالێن ستراتیژی پێخەمەت سەرکەفتنا کۆنفرانسی هاتنە دیارکرن، و دانوستاندن ل دۆر دوماهیک ئامادەکاریێن تەکنیکی و زانستی یێن کۆنفرانسی هاتە کرن، هەروەسا بونیاتنانا پرێن پەیوەندیێ دگەل زانکۆیێن بیانی بۆ پشکدارکرنا ڤەکۆلەرێن نێڤدەولەتی تەوەرەکێ دی یێ ئەڤێ کومبونێ بوو، و ژلایەکێ دیڤە ​پێشوازیکرنا ڤەکۆلینان و دیارکرنا میلاک و رێکارێن وەرگرتنا ڤەکۆلینێن زانستی د بوارێن ئەندازیاری و زانستێن بجئینانێ دا و بەلاڤکرنا وان د گوڤارێن ناڤدارێن جیهانی دا، و ​رۆڵێ ژیرییا دەستکرد لسەر گرنگییا ئەڤێ تەکنۆلۆژیایێ د پێشخستنا کەرتێ ئەکادیمی و پیشەسازی دا ل هەرێما کوردستانێ هاتە بەحسکرن.

​دهێتە زانین ئەڤ کۆنفرانسە دێ ل رۆژێن ١٧-١٨ حوزەیرانا ٢٠٢٦ ب هەماهەنگی دگەل زانکۆیا شرنەخ ژی هێتە ئەنجامدان.