هەواڵێن سەرەکی

ل ژێر چاڤدێریا "پ. د. ئاری عادل" سەرۆکا زانکۆیێ، رێڤەبەریا راگەهاندنێ و سەنتەرێ گەشەپێدان بۆ کاری ب هەفکاری دگەل رێكخراوا Cowater International یا نێڤدەولەتی بۆ جارا ئێكێ ل عیراقێ و هەرێما کوردستانێ ب پشته‌ڤانیا ئێكه‌تیا ئه‌وروپا خولەکا روژنامەڤانی و ڤەگوهاستنا چێروکان بۆ 17 راگه‌هاندنكارێن كولیژ و په‌یمانگه‌هێن تەکنیکیێن زانکۆیا پۆلیته‌كنیك دهۆك ئەنجامدان

ب ئامادەبونا "پ. هـ. د. یەمان سامی" هاریکارێ سەرۆکا زانکۆیێ بۆ کاروبارێن زانستی لرێکەفتی 26/8/2024 خوله‌كا سێ روژی یا راهێنانێ ژ پروژێ ئیزدیهارەک ل دوور راگه‌هاندن و ڤه‌گوهاستنا چیروك و بابه‌تێن روژنامه‌ڤانى هاتە ڤەکرن و دئەڤێ خولێ دا ئەوا ژلایێ (محمد بن حسین) روژنامه‌ڤان و راهێنه‌رێ نێڤده‌وله‌تیێ ئاژانسا رویته‌رز و CNN و شارەزایێ بوارێ نێڤده‌وله‌تى و سیاسى دا هاتە پێشكێشكرن، د هەر سێ روژێن خولێ دا دانوستاندن لسەر چه‌ندین تەوەرێن گرنگێن روژنامەڤانی هاتنە کرن کۆ پێک دهاتن ژ بابه‌ت و چالاكیێن تیورى و پراكتیكى وەک نڤیسینا به‌یاننامه‌یێن روژنامه‌ڤانى، هونه‌رێ سه‌رنج راكێشانێ، نڤیسین و ڤەگوهاستنا چیروكێن روژنامەڤانی، ئه‌نجامدانا چاڤپێكه‌فتنێ و وێنه‌گرتن و بنه‌مایێن وێنەکرنێ.

ژلایێ خوڤە راهێنه‌رێ خولێ ل دوور گرنگیا وێ گوت: بۆ جارا ئێكێ یە ل عیراقێ و هەرێما کوردستانێ ئەم خولەکا هوسا ڤەدکەین و مە زانکۆیا پۆلیتەکنیک دهۆک وەکو ئێکەم پێنگاڤی بۆ ئەڤی پروژەی هاڤێت و مه‌ره‌ما مە ئه‌وه‌ كادره‌كێ بسپور دبوارێ راگه‌هاندنێ دا به‌رهه‌ڤبكه‌ین، داكو ب باشترین شێوه‌ كارێ خو ئه‌نجام بده‌ن و نووچه‌یان ب باشترین شێوه‌ بنڤیسن و فێری چاوانیا گرتنا وێنه‌ و پوختكرنا مونتاجێ و ڤه‌گێرانا بابه‌تێن روژنامه‌ڤانى ببن پێخەمەت بلندكرنا ئاستێ راگه‌هاندنا زانكویێ.‌

ژلایەکێ دیڤە رێڤەبەرێ راگەهاندنا زانکۆیێ "م. سرکفت رشید" گوت: ئه‌ڤ خوله‌ دێ شیانێن بەرپرسێن هوبێن راگەهاندنێ ل کولیژ و پەیمانگەهێن تەکنیکی ژلایێ نڤیسین و گرتنا وێنەیان و ڤەگوهاستنا چێرکێن قوتابیان و ماموستایان و فەرمانبەران باشتر لێکەت ودهەمان دەمدا دێ بیتە ژێدەرەکێ نوی یێ دانەنیاسینا مالپه‌ر و په‌یجێن زانكویێ دتورێن چڤاکیدا.

ل روژا دویماهیێ و ب ئامادەبوونا "پ. هـ. د. نوزت صادق" هاریکارێ سەرۆکا زانکۆیێ بۆ کاروبارێن قوتابیان باوەرنامەیێن پشکداریێ هاتنە بەلاڤکرن و هاریکارێ سەرۆکا زانکۆیێ د پەیڤەکێ دا گوت: سۆپاسیا رێکخراوێ و راهێنەرێ خولێ دکەین و هیڤیخوازین ئەڤ جورە خولە بۆ ستافێ زانکۆیا مە دبەردەوام بن و سۆپاسیا ئێكه‌تیا ئه‌وروپا ژی دکەین بۆ پشتەڤانیا وان بۆ ئەڤان جورە خولان و ئەم دوێ باوەریێ داینە دێ كاریگه‌رییه‌كا باش ل سه‌ر بلندكرنا ئاستێ شیانێن ستافێ راگه‌هاندنكارێن زانكویێ هه‌بیت ودێ بیته‌ ئه‌گه‌رێ باشترلێکرنا مالپه‌رێن تورێن چڤاکی و دێ رێزبەندیا زانكویێ بەرەف رێزێن باشتر چیت.