English
كوردى
عربي
رۆلێ پیشه‌یا ژمێریارى د چاره‌سه‌ركرنا قه‌یرانێن دارایى دا
د. به‌شیر یوسف ئیسماعیل
كوليژا ته‌كنيكى يا كارگێرى
پیشه‌یا ژمێریارى رۆله‌كێ به‌رچاڤ هه‌یه د چاره‌سه‌ركرنا قه‌یرانێن دارایى دا، هه‌روه‌سا دهێته نیاسین ب بربرا شلوڤه‌كرنێن دارایى و دانا بریارێن ئابوورى یێن گونجاى، ئه‌م دشێین رۆلێ پیشه‌یا ژمێریارى د چاره‌سه‌ركرنا قه‌یرانێن دارایى دا بڤان خالێن ل خوارێ دیار به‌رچاڤ بكه‌ین:
- شلوڤه‌كرنا داتایێن دارایى: ژمێریار ب شلوڤه‌كرنا داتایێن دارایى یێن كومپانیا و یه‌كه‌یێن ئابوورى رادبیت بۆ ده‌ستنیشانكرنا ئاریشه‌یێن دارایى و ئاراسته‌كرنا راسته‌قینه‌یا وێ.
- ئاماده‌كرنا راپورتێن دارایى: ب رێكا ئاماده‌كرنا راپورتێن دارایى، ژمێریار ب شێوه‌یه‌كێ هویر كاودانێن دارایى یێن یه‌كه‌یێن ئابوورى دیاردكه‌ن وهاریكاریا جهێن بریارێ ژی دكه‌ن بۆ دانا بریارێن هویر و گونجاى بڤێ مه‌به‌ستێ.
- هویربینیكرنا ژمێریارى: ئه‌ركێ ژمێریارى یه ب رۆلێ هویربینیكرنا ژمێریارى راببیت ب مه‌ره‌ما پشتراستكرنا داتایێن دارایى ژ هه‌ر شاشیه‌كێ چ یا ب مه‌ره‌م بیت یان نه، هه‌روه‌سا ئاشكه‌راكرنا كێماسیان یان هه‌ر ده‌ستكاریه‌كێ و گه‌نده‌لیكرنێ تێدا.
- پلاندانانا ژێده‌رێن دارایى: ئه‌ركێ ژمێریارى یه ب رۆلێ پلاندانانێ راببیت چ بۆ داهاتى یێن مه‌زاختیان ب شێوه‌یه‌كێ كاریگه‌ر بۆ دلنیابوونێ ژ به‌رده‌وامبوونا كریارێن دارایى.
- پێشكێشكرنا شیره‌تكاریێن دارایى: هه‌رده‌م ئاستێن بلند یێن كارگێرى پشت به‌ستنێ لسه‌ر شیره‌تێن ژمێریاران دكه‌ن بۆ دانا بریارێن ستراتیجى یێن دارایى.
- گرنگیدان ب رێسا و یاسایان: به‌رده‌وام ژمێریارى ملكه‌چى رێسا و یاسایانه یێن كاروبارێن دارایى د ئه‌ركێ خۆ یێ رۆژانه دا و ب تایبه‌تى یاسایێن گرێداى باجێ بۆ خۆ پاراستن ژ هه‌ر سزایه‌كێ یاسایى.
- شلۆڤه‌كرنا شیانێن دارایى: ب رێكا ژمێریارى و شاره‌زایێن وى یێن تایبه‌ت شیانێن دارایى یێن یه‌كه‌یێن ئابوورى دهێنه شلوڤه‌كرن و هه‌لسه‌نگاندن، زێده‌بارى پێشبینیكرن بۆ پاشه‌رۆژه‌كى.
- دیاركرنا ستراتیجیێن راسته‌قینه: ب رێكا ژمێریار ان ستراتیجیێن راسته‌قینه یێن دام و ده‌زگه‌هێن ئابوورى دهێنه دیاركرن، هه‌روه‌سا هه‌ست قه‌یرانان ژی دهێته‌كرن ئه‌گه‌ر د پێشیێ دابیت، ئه‌و ژى ب رێكا كێمكرنا تێچوونا و زێده‌كرنا داهاتى دهێته‌كرن.
- رێڤه‌برنا مه‌ترسیێن دارایى: شلوڤه‌كرنا دارایى و لیستێن دارایى دهێته نیاسین ئامرازێن سه‌ره‌كى بۆ رێڤه‌برنا مه‌ترسیێن دارایى و كێمكرنا كارتێكرنا وێ لسه‌ر یه‌كه‌یێن ئابوورى.
- پالپشتیكرنا باوه‌ریێ ب شێوه‌یه‌كێ گشتى: ژمێریار د پێگیرن ب ستانده‌ران ب تایبه‌تى یێن ده‌ستپاكیێ و روهنكرنێن پێدڤى بۆ پێزانینێن دارایى ، ئه‌ڤ چه‌نده ژى پتر باوه‌ریێ په‌یدادكه‌ت د بازارێن دارایى دا و پروپاكندا و گوتگوتكان كێم دكه‌ت.
- پێشكه‌فتن و داهێنان: ژمێریاران رزَله‌كێ به‌رچاڤ هه‌یه د پێشئێخستنا شێوازێن شلوڤه‌كرنێن دارایى دا و بكارئینانا ته‌كنولوژیا نوى بۆ باشكرنا شیان و هویربینیكرنا كریارێن دارایى.
- گه‌هاندنا پێزانینێن دارایى: پێدڤیه ژمێریاران ئه‌و شیان هه‌بن ب شێوه‌یه‌كێ ئاسان و ب سانه‌هى پێزانێن دارایى بگه‌هینیته خودان به‌رژه‌وه‌ندیا ژ لیستێن دارایى چ یێن نافخو یان ده‌رڤه بن.
- پشته‌ڤانیكرنا یاسایى: ژمێریار دشێن پشته‌ڤانیه‌كا یاسایى بۆ خۆ په‌یدا بكه‌ت ده‌مێ ده‌زگه‌ه توشى قه‌یرانه‌كا دارایى دبیت.
- پالپشتى و پشته‌ڤانیكرن: ژمێریار دشێن ببنه فاكته‌رێ پالپشتى و پشته‌ڤانیكرنێ بۆ تیمێن كارى ئه‌و ژی ب دیاركرنا ژیانێن دارایى یێن وان و بلندكرنا ووره‌یێن وان بۆ ده‌ربازببون ژ قه‌یرانان و گه‌هشتن بۆ ئارمانجێن پلان بۆ هاتیه‌دانان.
- راهێنان و فێركرن: ژمێریار به‌ده‌وام پشكداریێ د خول و ووركشووپان دا دكه‌ن بۆ بلندكرنا شیانێن وان و زێده‌كرنا شاره‌زایێ دبیاڤێ كارى دا كو بۆ به‌رهنگاربوونێ د قه‌یرانێن دارایى دا ئه‌ركێ وى ب سانه‌هیتر دكه‌ڤیت.