هەواڵێن سەرەکی

ب مەرەما خۆ بەرهەڤکرن بۆ بازارێ کاری ب ڕێکێن مودێرن، ئەڤرو ڕێکەفتی 2025/1/20 ل دەمژمێر 10:00 سپێدێ، زانکۆیا پۆلیتەکنیک دهۆک/ سەنتەرێ گەشەپێدان بۆ کاری، ب هەڤکارى دگەل رێکخراوا (IREX) وورکشوپەکا دوو روژی لژێر دروشمێ (پێشکەفتنا بازارێ کارى: چاوانیا ب دەستڤەئینانا کارى و کارسازى)، ژ بو قوتابیێن زانکۆیا پۆلیتەکنیک دهۆک ئەنجامدا، ل پەیمانگەها تەکنیکى دهۆک/ هۆلا ئازادى.

د ڕۆژا ئێکێ یا وورکشوپێ دا سێ سمینار ژلایێ کەسانێن بسپورڤە هاتنە پێشکێشکرن.
- سمینارا ئێکێ ژلایێ عِەبدولسەلام مەدەنی هاتە پێشکێشکرن لدور (زێدەتر ژ کارەکێ).
- سمینارا دوویێ ژلایێ رێباز جوامێر ڕێڤەبەرێ ناڤەندا زانستی ل کوردستان فاووندێیشن هاتە پێشکێشکرن لدور (دروستکرنا دەرفەتان و بنیات دانانا کوردستانێ).
- سمینارا سیێ ژلایێ ماموستایێ زانکویێ پروفیسورێ هاریکار دکتور شڤان ئەحمەد هاتە پێشکێشکرن لدور (7 ئاموژگاری بو کارێ بازرگانی و شیانێن دامەزراندنێ).

د. فائز سعید فیزی رێڤەبەرێ سەنتەرێ گەشەپێدان بۆ کاری گۆت: مەرەم ژ ئەنجامدانا ڤێ وورکشوپێ ئەوە گرنگی و چاوانیا ب دەستڤەئینا کاری ب ڕێکێن مودێرن و بکارئینانا سستەمێن نوی یێن لێگەریانا کاری و خو بەرهەڤکرن بو بازارێ کاری و ڕێکێن کارسازیێ نیشا قوتابیان بدەین.