هەواڵێن سەرەکی

ب مەرەما دانانا سیستەمەکێ دڵنیایی جۆرى مینا ستانداردێن دڵنیایی جۆرى ئەوروپى و نێڤدەوڵەتى (ESG) دەزگەهێ سەرپەرشتى و دڵنیایی جۆرى ل وەزارەتا خواندنا بلند خولەکا راهێنانێ یا (TOT) راهێنەرێ راهێنانپێکری بۆ ئەندامێن لێژنەیا داڕشتنا ڕێنمایی و ڕێبەر و ستانداردێن دڵنیایی جۆرى یێن زانکۆیان ل هەولێرا پایتەخت ب هەفکاریا ڕێکخراوا (Spark Bologna Academy) یا هۆڵەندی ئەنجامدا و "پ. هـ. د. یەمان سامی شەریف" هاریکارێ سەرۆکا زانکۆیا پۆلیتەکنیک دهۆک بۆ کاروبارێن زانستی و خواندنا بلند وەک نوینەرێ زانکۆیێ پشداری د ئەڤێ خولێ دا کڕ.

د ئەڤێ خولێ دا دانوستاندن ل دور چەند تەوەرێن گرنگێن گرێدای ب کومەکا بابەتێن دلنیایی جوری هاتنە دیارکرن و راهێنەرێن نێڤدەوڵەتى دەربارەی ئەڤێ خولێ ئەو بابەتە ئێخستنە د وارێ دانوستاندنێ دا و ئامادەبویان ژی دیتن و بیرو بوچونێن خۆ دانەیا دیارکرن پێخەمەت باشتر برێڤەبرن و زەنگین کرنا زانیاریێن بابەتێن خولێ.

دهێتە زانین: ئەو پشکدارێن ئەڤ خولا راهێنەران تەمامکرن لدویف ئەکادێمیایا بۆلۆنیا پروسێس 30 دەمژمێرێن ئەڤێ خولێ بەرامبەر ECTS 1 دهێنە هژمارتن ژلایێ رێکخڕاوا سپارک یا هوڵەندی ڤە.