هەواڵێن سەرەکی

ل ژێر چاڤدێریا (پ. د. ئارى عادل) سەرۆکا زانکۆیا پۆلیتەکنیکى یا دهۆک، و ب ئامادەبوونا (پ. هـ. د. صلاح عبدال عزو) هاریکارێ سەرۆکا زانکۆیێ بۆ کاروبارێن کارگێرى و دارایى، و (م. حنان عبدالرحمن طاهر) رێڤەبەرا سەنتەرێ پێداگوچى، ئەڤرو روژا پێنج شەمبی ڕێککەفتی 10/12/ 2023 ل دەمژمێر 10:30 سپێدێ، رێورەسمێن گەرا سێ یێ وچوارێ ژ دەرچوونا خولا پێداگوچى ل هۆلا سمیناران یا سەرۆکاتییا زانكۆيێ هاتە ئەنجامدان.

ل دەسپێکێ (پ. هـ. د. صلاح عبدال عزو) هاریکارێ سەرۆکا زانکۆیێ بۆ کاروبارێن کارگێرى و دارایى د پەیڤەکێ دا پیوزباهیا پشکدارێن خولێ کر و هەیڤیا سەرکەفتنێ و پێشڤەچوونێ بۆ پشکدارێن خولێ کر و سۆپاسیا وەزارەتا خواندنا بلند کر و رولێ وەزارەتێ بلند نرخاند، دیڤدا رێڤەبەرا سەنتەرێ پێداگوچى (م. حنان عبدالرحمن طاهر) سمینارەک دەربارەى فیدباکێ قوتابیان و بدویماهیک ئینانا خۆلێ پێشکێشکر.
ل دووماهیێ سوپاسیێن ماموستایێن خولێ هاتە کرن و باوەرنامە و خەلاتێن سەرکەفتیێن ئێکێ و باوەرنامێن پشکدارێن خولێ هاتنە بەلاڤکرن.