پەیمانگەها تەکنیکی کارگێری رۆژا جیهانی یا ژمێریاری ب ئەنجامدانا چەندین چالاکییان ساخکرەڤە


د چوارچۆڤێ گرنگیدان ب بوارێن زانستی و پیشەیی و ب ئامادەبوونا پ. د. موئەیەد بەركات، هاریکارێ سەرۆکا زانکۆیێ بۆ کاروبارێن کارگێری و دارایی و هژمارەکا رێڤەبەر و بەرپرس و ماموستا و فەرمانبەر و قوتابیان و ل ژێر سەرپەرشتیا پ. هـ. د. دەولەت مصطفی، ڕاگرا پەیمانگەها تەکنیکی کارگێری، رۆژا جیهانی یا ژمێریاری ب ئەنجامدانا زنجیرەکا چالاکییێن زانستی و ئەکادیمی ل هۆلا کوردستان هاتە ساخکرن.

​د دەستپێکا ئەڤێ رێورەسمێ دا، م. أحمد نایف مصطفی سەرۆکێ پشکا ژمێریاری ل پەیمانگەهێ پەیڤا بخێرهاتنێ پێشکێش کر. پاشان پانێلەکێ زانستی ل ژێر ناڤونیشانێن

"ژمێریاری و وردبینی د بازارێ کاری دا: شیانێن پێدڤی و ئاستەنگێن پیشەیی بۆ دەرچوویێن دبلوما ژمێریاری"

ژ لایێ مامۆستایێ پشکێ سلام رشید فتحی، ڤە هاتە بەرێڤەبرن، کو تێدا هەر دوو مێڤان م. مامند أحمد، ژمێریارێ یاسایی و وردبینەرێ نافخۆ، و م. ژێلا حسین محمد، ژمێریارا یاسایی، رووگەهێن جۆراوجۆر یێن بازاری و شیانێن پێدڤی بۆ دەرچوویان بەحس کرن.

ژلایەکێ دیڤە و د تەوەرەکێ دی یێ بەرنامەیی دا، پێشبڕکێیەکا زانستی د ناڤبەرا قوتابیێن سپێدەهیان و ئێڤاران داهاتە ئەنجامدان و ئەڤ چالاکیە ژلایێ مامۆستا عبدالجبار عبدالقادر ڤە هاتە برێڤەبرن.

د هەمان دەم دا، وەک ڕێزلێنانەک بۆ بزاڤ و ماندووبوونا وان، قوتابیێن ئێکێ یێن سالا خواندنێ (2024-2026) ل سەر پشکێن ژمێریاری هاتنە خەڵاتکرن.

​ل دوماهیا رێورەسمی، ڕێزلێنان و سوپاسنامە پێشکێشی مامۆستایێن پشکدار د پانێلی دا هاتنە کرن، و دیاری ل سەر وان قوتابیان هاتنە بەلاڤکرن ئەڤێن بەشداری چالاکیان بوین.