English
كوردى
عربي
کولیژا تەکنیکی کارگێری و رێڤەبەریەکا دهۆکێ بەر ب هەڤکاریکەکا زانستی و ئەکادیمی ڤە دچن
ژ چارچۆڤێ بجهئینانا پلانێن کولیژێ بۆ گەهشتن ب ئارمانجێن گەشەپێدانا بەردەوام (SDGs)، ئەڤڕۆ رۆژا چوارشەمبی رێکەفتی ٤ێ شواتا ٢٠٢٦ێ، شاندەکێ بلندێ کولیژا تەکنیکی کارگێری ب سەروکایەتیا راگرێ کولیژێ پ.هـ.د. نەوزاد رەجەب زوبێر و ب هەڤالینیا هاریکارێ راگری و سەڕۆک پشکێن زانستی، سەرەدانا رێڤەبەریا گومرکا دهۆکێ کر.
شاندێ کولیژێ ژ لایێ رێڤەبەرێ گومرکێ م. عزەت فەتاح ڤە هاتە پێشوازیکرن، و دروینشتنەکێ دا، هەردوو لایەنان دانوستاندن ل سەر میکانیزمێن ئەنجامدانا کار و چالاکییێن هەڤپشک کر، و تەکەزی لسەر چەند تەوەرێن سەرەکی کرن کۆ پێک دهاتن ژ:
پێشخستنا کارێ کارگێری: چەوانیا مفا وەرگرتنێ ژ شارەزاییا زانستی و ئەکادیمی یا ستافێ کولیژێ بۆ رێڤەبەریا گومرکێ.
تەکنۆلۆژیا سەردەم: بکارئینانا تەکنۆلۆژیایێ د بوارێ کارێن گومرکی دا ب شێوازەکێ ئەکادیمی.
گەشەپێدانا بەردەوام: جەختکرن ل سەر بجهئینانا بنەمایێن (SDGs) بۆ ئاڤاکرنا پاشەڕوژەکا گەشتر بۆ سازیێن حکومی.
ل دویماهیا دوپاتی لسەر وێ چەندێ هاتە کرن کو ئەڤ جۆرە هەماهنگییە دێ بیتە ئەگەرێ بلندکرنا ئاستێ خزمەتگوزارییان و بجهئینانا ئارمانجێن زانستی د خزمەتا جڤاکی دا ل پارێزگەها دهۆکێ.