هەواڵێن سەرەکی

ديدارا قوبەهان يا دوویێ هاتە ئەنجامدان

ل ژێر دروشمێ ڤەژاندنا هێزا گەنجان و ب ئامادەبوونا جەنابێ (ملا مصطفى بارزانى) و (د. عبدالفتاح عبدالرزاق) بریکارێ وەزارەتا خواندنا بلند و ڤەکولینێن زانستی، و (د. على تتر) پارێزگارێ دهوكێ و سەرۆک زانکۆ و هەژمارەكا رێڤەبەرێن دام و دەزگەهێن حكومى و حزبى و لەشکەری و كەسایەتی و گەنجێن دەڤەرێ و بیست و ئێك بەهرەمەندێن کوردستانێ ديدار و پێشانگەها قوبەهان يا دوویێ ل رێكکەفتى 6/12/2023 ل پەیمانگەها تەکنيكى يا ئامێديێ، ژ لايێ زانكويا پوليتەكنيك دهوك و پشتەڤانیا قوبەهان گروپ ڤە هاتە ئەنجامدان

ل دەستپێكێ پێشانگەهەکا کارێن دەستی بۆ 21گەنج و كەسێن بەهرەمەند ل سەرانسەری کوردستانێ هاتبو ڤەکرن ژلایێ جەنابێ (ملا مصطفى بارزانى) ڤە هاتەڤەكرن، پشتى گەریان و تەماشەكرنا بەهرەیێن بەرهرەمەندان، رێورەسمێن دیدارێ ل هولا پەیمانگەهێ دەستپێكرن

پەیڤا بخێرهاتنێ و دیدارا قوبەهان ژ لايێ (پ. د. ئارى عادل) سەرۆكا زانكۆيا پۆليتەكنيك دهوك هاتە پێشكێشكرن و گرنگى یا هەبونا پەیمانگەها تەکنیکى ئامێدیێ دا زانین و گوت : پەیمانگەها تەکنیکى ئامێدیێ وەک وێستگەهەکا ئەکادیمى ل دەڤەرێ بۆ بەرهەفکرنا کادرەکێ بسپور و شارەزا و ئەکادیمى د پێگەهاندنا خەلکێ دەڤەرێ دا کار کریە و یا بەردەوامە لسەر کارکرنێ ژبۆ پێشڤەبرنا ئاستێ زانستی و ئەکادیمى و دێ بزاڤێ کەین خولێن فێرکرنێ یێن جوردا و جور ژبو و بهێزکرنا شیانان گەنجێن ئەڤی دەڤەرى بەرهەفبکەین و پەیمانگەها تەکنیکى ئامێدیێ بکەینە دەزگەهەکێ بەرهەمئینانا کادرەکێ سەردەمیانە و پێشکەفتى و گەنجێن ئەڤێ دەڤەرێ ب رێکا خول و وورک شوپ و دیدار و چالاکیێن جورا وجور بەرهەفبکەین کو ئەو بخو پشتبەستنێ لسەر شیانێن خو یێن تاکە کەسى بکەن و دەلیڤەیێن کاری یێن جودا و جور بو خو و ئەندامێن خێزانێن خو پەیدا بکەن و دێ پەیمانگەها تەکنیکى یا ئامێدیێ بیتە مینبەرەک بۆ گەهشتنا وان ب هیڤى و ئارمانجێن وان ل ئەڤێ دەڤەرێ و ژلایەکێ دیڤە سەرۆکا زانکۆیێ رولێ گەنجان بلند نرخاند و گوت: دڤێت ژبیر نەکەین ئەڤ گەنجێن خودان شيان و داهێنەر شەنگستێ وەلاتینە ونوکە سەردەمێ شورەشا ئەلکترونیە و دڤێت وەکی شورەشگێرێن ئەکادیمی ئەوان بۆ گەل و وەلاتی بەرهەفبکەین؟ چونکی هەتا ئەڤرو ژى چاڤێن نەیار و نە حەزێن گەلێ کوردستانێ بهێز و شیانێن مە نەرابوینە و هەمى دەما بزاف کریە و بەردەوام بزاڤێ دکەن گەنجێن مە ژناڤ ببەن و رەوشا ئەڤێ دەڤەرێ ب ئێک جاری تێک بدەن و ئارامیێ نەهێلن بەلێ نە شیاینە و نە شێن ژى چونکى گەنجێن مە هەر دەم خو بهێز دیتیە و پێدڤیە ئەم هەمى ب ئێک دەست کاربکەین ژبو ئاڤاکرنا گەنجێن ئەڤى وەلاتى و هەر دەام و دەزگەهەک ب رێکا ڤەدیتنا چارەیێن گونجاى بو مانەڤەیا ئەڤان گەنجام و ڤەدیتتنا رێکە چارەیەکێ بو کوجا گەنجان ژى ببینین نە خاسمە دئەڤان سالێن دویماهیێ دا رێژەکا زور یا گەمجێن کوردستانێ بەرەف وەلاتێ بیانى کوچ دکەن و ئەڤە ژى مەترسیەکا مەزنە بو پاشەروژا گەل و وەلاتێ مە و دڤێت ب شێوەکێ كەتوارى و سەردەمیانە سەردەریێ دگەل گەنجێ ئەڤرو بکەین و بشێوەیەکێ باش و برێڤەبرنەکا حەکیمانە سەردەریێ دگەل بکەین مینا سەرەدەریا پێشمەرگێن قەهرەمانێن ئەڤێ دەڤەرێ دگەل پاراستنا ئاخ و نشتیمانێ مە.

ژلایەکێ دیڤە (پ. د. عبدالفتاح عبدالرزاق) برێكارێ وەزارەتا خواندنا بلند و ڤەكولینێن زانستى پەسنا سەرۆکاتیا زانکۆیا پۆلیتەکنیک دهۆک کر و ده‌ستخۆشى ل سەرۆک و راگر و مامۆستایان و فه‌رمانبه‌ر و قوتابیێن په‌یمانگەها تەکنیکى یا ئامێدیێ کر ژبەر ئه‌نجامدانا دووه‌م دیدارا قوبه‌هان و هەروەسا گوت : گەنج بڕبڕەیا پشتا بنیات دانانا ولات و پێشخستن و پرۆسه‌یا په‌ره‌پێدانا هەمى كه‌رتێن جڤاکى دهێتە نیاسین، بەلێ گومان تێدا نینە بۆ وێ چەندێ کو گه‌نجێن مە لەسەر وێ هێزا زیندى و پۆزه‌تیڤ‌ بمینن و بشێن ئەوى رولى بینن یێ بنیات دانان و پێشخستنا جڤاکێ مە دا هەى مە پێدڤى ب په‌روه‌رده‌و قێركرنێ و ب‌هێزكرنا به‌رده‌وام یا شیانانێن گەنجان هەیە د چوارچێوەیەکێ پرۆسه‌ییێ پشتەڤانیەکا مەزن و جدی دا ژلایێ زانکۆیان ڤە. و پەیڤا پارێزگەها دهۆکێ ژلایێ (د.على تتر) پارێزگارێ دهوكێ ڤە هاتە پێشکێشکرن و رولێ گەنجێن دەڤەررا ئامیێدێ د شورەشێن کوردى دا بلند نرخاند.

دیڤدا ديدارا قوبەهان یا دووێ ب پانێلەکێ دەستپێکر کو ل دوور گەنجان و ڤەژاندنا هێزا وان ب مێڤانداريا هەر ئێک ژ (د. محمد احسان) پروفیسور ل زانكۆیا لەندەن و وەزیر دپێنج كابینەیێن بەرێ یێن حكومەتا هەرێما كوردستانێ دا و هەروەسا (دكتورە ڤالا فرید) وەزیرا هەرێمێ بۆ كاروبارێن پەرلەمانى، و (هەرمان میرزا بەگ) بریکارێ میرێ ئێزدیان و راوێژكارێ سەرۆكێ حكومەتێ بو كاروبارێن ئێزدیان، و (مەیسەر نهێلى) سكرتێرێ ئێكەتیا لاوێن دیموكراتا كوردستانێ ڤە هاتە پێشکێشکرن، و رولێ زانكویان د پێشخستن و گەشەپێدانا شیانێن گەنجان و چاوانیا سەرەدەریكرنا گەنجان دگەل تەكنولوجیا سەردەم و چ بهێتەكرن بۆ نەهێلانا ئاستەنگ و رێگریێن ل هەمبەرى گەنجان بەحسکرن و هەروەسا پەیوەندى و بەشداربوونا گەنجان د رێڤەبرنا حكومەتێ و پەرلەمانى دا هاتنە گەنگەشەكرن و بەرسڤا پرسێن ئامادەبوویان ژى هاتەدان.

ل دویماهیێ خەلاتێ قوبەهان ژ لايێ جەنابێ (ملا مصطفى بارزانى) ڤە ب 21 گەنج و كەسێن بەهرەمەند و كەسانێن هاریكار و قوبەهان گروپ ژبەر پشتەڤانیکرنا وان بۆ دیدارا قوبەهان بەخشین.