هەواڵێن سەرەکی

تورکیا

د چوارچۆڤێ پێشخستنا پەیوەندیێن ئەکادیمی و زانستی یێن نێڤدەولەتی دا، هاتیە راگەهاندن کو پ. هـ. د. نوزت صادق احمد, نوێنەرێ زانکۆیا پۆلیتەکنیکی یا دهۆک ل وڵاتێ تورکیا، ژ لایێ سەرۆکێن چار زانکۆیێن ناڤدار و گرنگ یێن تورکی ڤە هاتە پێشوازیکرن.

​ئەڤ سەرەدانە ب مەرەما دروستکرنا پەیوەندیان د ناڤبەرا زانکۆیا پۆلیتەکنیکی یا دهۆک و زانکۆیێن تورکی دا بوو، و دڤێ سەرەدانێ دا نوێنەرێ زانکۆیێ ژ لایێ سەرۆک زانکۆیا شەرنەخ ,پ. د. عەبدوڕەحیم ئالکیش، دگەل پ. د. ئیدریس دەمیر, سەرۆکێ زانکۆیا باتمان و پ .د. نیهات شنداک ,سەرۆکێ زانکۆیا سێرت، وپ .د. مەحمەد تاهیر گوللوئۆغلو, سەرۆکێ زانکۆیا حەڕان ڤە هاتە پێشوازیکرن.

د ڤێ سەرەدانێ دا رێککەفتننامەیەکا زانستی دگەل زانکۆیا شەرنەخ هاتە ئیمزا کڕن و ​دهێتە چاڤەرکرن کو ئەڤ رێککەفتنە ببیتە ئەگەرێ پەرەپێدانا ئاستێ زانستی یێ قوتابی و مامۆستایان و ڤەکرنا دەرگەهێن نوو یێن هەڤکاریا نێڤدەولەتی بۆ زانکۆیا پۆلیتەکنیکی یا دهۆک.