هەواڵێن سەرەکی

ب مەرەما بەحسکرنا کاودانێن بزەحمەتێن دارایێن هەر چوار زانکۆیێن حکومیێن پارێزگەها دهۆکێ، ئەڤرۆ رێککەفتی 8/9/2025، و ب ئامادەبونا هەر ئێک ژ " پ. د. ئـــاری عــــادل سەرۆکا زانکۆیا پۆلیتەکنیک دهۆک، د. مەنهەل ئیلهام عەبدال سەرۆکێ زانکۆیا ئاکرێ بۆ زانستێن کرداری، د. داود سلێمان ئەتروشی سەرۆکێ زانکۆیا دهۆک و د. دیار عەبدولکەریم سەعید سەرۆکێ زانکۆیا زاخۆ" کومونەکا چوار قولی ل سەنتەرێ رەوشەنبیری هاتە ئەنجامدان

دئەڤێ کومبونێ دا دانوستاند لسەر دوو تەوەرێن گرنک هاتە کرن، د تەوەرێ سەرەکی دا رەوشا کارگێری ودارایی یا زانکۆیان هاتە بەحسکرن و تەکەزی لسەر و کاودانێن بزەحمەتێن دارایی و شایستەیێن دارایێن مامۆستایان هاتە کرن، وژلایێ خۆڤە سەرۆک زانکۆ و هاریکارێن سەرۆک زانکۆیان بۆ کاروبارێن کارگێری و دارایی دانوستاندن لسەر ڤەدیتنا رێکێن چارەسەریێ و موکمکرنا هەماهەنگیێ کڕ.

د تەوەررێ دووێ دا دانوستاندن ل دۆر هژمارەکا مژارێن ئەکادیمی و زانستی و کارگێری یێن هەڤپشک بۆ ئامادەکاریێن سالا نوی یا خواندنێ (٢٠٢٥-٢٠٢٦) هاتە کرن.

ل دویماهیێ و پێخەمەت باشتر برێڤەبرنا کاروبارێن زانکۆیان، رێککەفتن لسەر وێ چەندێ هاتە کرن کو ئەڤ جورە کۆمبوونە د ناڤبەرا هەر چوار زانکۆیێن حکومی دا بەدەوام بن.