هەواڵێن سەرەکی

ب مەرەما دانانا بوردێ راوێژکاریا پێشەسازی ل زانکۆیێن دەڤەرا بەهدینان ئەڤرۆ روژا چوار شەمبی رێکەفتی 3\7\2024 "پ. د. ئــاری عــادل" سەرۆکا زانکۆیا پۆلیتەکنیک دهۆک پێشوازیا هەر ئێک ژ" پ. د. ئامانج عبداللە" راوێژکارێ وەزارەتا خواندنا بلند، و "پ. د. صباح ویس" راوێژکارێ وەزارەتا خواندنا بلند و ڤەکولینێن زانستی، و"پ. د. خطاب احمد مصطفی" رێڤەبەرێ پلاندانانێ ل دیوانا وەزارەتا خواندنا بلند کر، و دروینشتنەکێ دا دانوستاند ل دور بوردێ راوێژکاریێ پێشەسازیێ زانکۆیێن دەڤەرا بەهدینان هاتە کرن.

ژلایەکێ دیڤە نوینەرێن وەزارەتا خواندنا بلند و ڤەکۆلینێن زانستی ل هولا جڤاتا زانکۆیا پۆلیتەکنیک دهۆک دگەل نوینەرێن زانکۆیێن دەڤەرا بەهدینان کومبۆن و دروینشتنەکێ دا هەر ئێک ژ" پ. د. ئامانج عبداللە" راوێژکارێ وەزارەتا خواندنا بلند، و "پ. د. صباح ابراهیم ویس" راوێژکارێ وەزازەتا خواندنا بلند ڤەکولینێن زانستی، و"پ. د. خطاب احمد مصطفی" رێڤەبەرێ پلاندانانێ ل وەزارەتا خواندنا بلند دیتن و ئارمانجێن وەزارەتا خواندن بلند ژلایێ زێدەتر پەیداکرنا دەلیڤێن کاری و ئالوگورکرنا زانست و زانیاریان دناڤبەرا زانکۆیان و پێشخستنا بازارێ کاری بۆ نوینەرێن زانکۆیێن دەڤەرا بەهدینان دسمینارەکێ دا دانە دیارکرن، پێخەمەت وێ چەندێ دەرچویێن زانکویێن بەهدینان بشێوەکێ باشتر ئامادە بن بۆ بازارێ کاری ل هەرێما کوردستانێ بگشتی و دەڤەرا بەهدینان ب تایبەتی.

ل دویماهیا ئەڤێ کومبۆنێ دیتن و پێشنیازێن بوردێ راوێژکاریا پێشەسازی ژلایێ ئامادەبۆیان ڤە هاتنە ئاراستەکرن و دانوستاندن لسەر چەندین تەوەرێن گرنگێن پێشخستنا بازارێ کاری و لێکگوهارتنا زانیاریێن ئەکادیمی دنافبەرا نوینەرێن وەزارەتێ و نوینەرێن زانکۆیان دا هاتە کرن.