هەواڵێن سەرەکی

ب ئامادەبوونا نوینەرێ وەزیرێ خواندنا بلند و ڤەکولینێن زانستێ و ژمارەکا سەرۆک و هاریکارێن سەرۆک زانکۆیێن هەرێما کوردستانێ وعیراقێ و راگرێن کولیژ و پەیمانگەهێن تەکنیکى وهژمارەکا ڤەکۆلەر و ماموستایێن ناڤەندێن خواندنێ یێن هەرێما کوردستانێ و عێراقێ و وەلاتێن عەرەبى، ئەڤرۆ ڕۆژا چوار شەمبی ڕێکەفتی 8/7/2026ـێ روژا ئێکێ یا دووەمین کۆنفرانسێ نێڤدەوڵەتیێ ڤەکولینێن کرداریێ جڤاکی و مرۆڤایەتی ب ناڤ و نیشان

"زانکۆیێن زیرەک و ڕۆلێ وان یێ بجهئینانا ئارمانجێن گەشەپێدانا بەردەوام دبوارێن جودا جودا دا"

و لژێر دروشمێ

"وەرچەرخانا دجیتاڵی د زانکۆیێن زیرەک دا... هێزەکە بۆ گەشەپێدانا بەردەوام و ئاڤاکرنا پاشەڕۆژێ"

لژێر چاڤدێریا هەر ئێک ژ

پ. د. ئاری عادل – سەرۆکا زانکۆیا پۆلیتەکنیک دهۆک.

پ. د. حسن لطيف الزبيدي – سەرۆکێ زانکۆیا فرات یا ناڤەراست.

پ. د. كوسار محمد عيل مراد – سەرۆکێ زانکۆیا سليمانيێ.

و سەرپەرشتیا:

پ. هـ. دکتور عەلی عبودی رێڤەبەرێسەنتەرێ عەرەبی یێ دیموقراتى ل عیراقێ

د. ئەحمەد مجید رێڤەبەرێ سەنتەرێ (وعی)یێ راوێژکارى و بنایات دانانا شیانان ل هەولێرێ

سەرۆکێ دیوانا وەقفا سنى

کونفرانسی ب چەند ئایەتەکێن قورئانا پیروز و رێزگرتن ل سەر گیانێ شەهیدان دەستپێکر و دیڤدا پ. د. ئارى عادل سەرۆکا زانکۆیا پۆلیتەکنیک دهۆک دپەیڤەکێ دا گوت: فەرە بزانین کو گۆڕانکاری بەرەف "زانکۆیێن زیرەک" بتنێ هەلبژارتنەکا تەکنۆلۆژی نینە ، بەلکو پێدڤییەکا حەتمی یە بۆ دووبارە ڕێکخستنا سیستەمێ خواندنێ و ڤەکۆلینێن زانستی ب ئاوایەکی کو دگەل ئارمانجێن هەفپشک بگونجیت بۆ گەشەپێدانا بەردەوام. ، ئەم یێ دئەوێ باوەریێ دا کۆ ئەڤ کۆنفرانسە دێ بیتە پێگەهەکێ گرنگ بۆ دیالۆکا زانستی و دەرفەتەکە بۆ پێشڤەبرنا هەفکاریا زانستی و ڤەکۆلینێن هەفپشک.

ژلایەکێ دیڤە پەیڤا وەزارەتا خواندنا بلند یا هەرێما کوردستانێ ژلایێ پ. د. صباح ابراهيم ويس، راوێژکار و نوینەرێ وەزیرێ خواندنا بلند و ڤەکۆلینێت زانستی ڤە هاتە خواندن و دەستخوشى ل زانکۆیێن هەفپشک کر و گرنگی يا ئەڤان جورە کوتفرانسا ب پێنگاڤەکا باش دا زانین، و دیڤدا پەیڤا زانکۆیا فرات یا ناڤەراست ژلایێ پ . د. حسن لطیف الزبیدی، سەرۆکێ زانکۆیا فرات یا ناڤەراست هاتە خواندن و سوپاسیا زانکۆیا پۆلیتەکنیک دهوک و زانکۆ ودەزگەهێن هەفپشک کر کو هەردەم یا هاریکار و پشتەڤان بوینە بۆ ئەنجامدانا کاروچالاکیێن زانستیێن هەڤپشک، و دویماهیک پەیڤ ژلایێ احمد جمیل مجید المدرس سەرۆکێ سەنتەرێ "وەعی" یێ ڕاوێژکاری هاتە خواندن.

دبەگەریەکا دى یا کونفرانسى دا سمینارا دەستپێکرنا کونفرانسى ژلایێ پ. هـ. د. عالیة ادریس ژ وەلاتێ ئوردنێ هاتە پێشکێشکرن و دیڤدا دانیشتنێن سێ سمینارێن بوارێن جودا جودا ب رێکا ئامادەبون و ئەلکترونى ل هولێن کولیژ و پەیمانگەهێ ژلایێ هەر ژ و

پ. د. محمد جرادات ژ زانکۆیا عجلون یا ئوردنی

پ. د. سعود عید مشحن ژ زانکۆیا تبوک یا سعودى

د. منال عامر ژ زانکۆیا لازقیە یا سورى ڤە هاتنە پێشکێشکرن

دهێتە چاڤەرێکرن سباهی روژا پێنچ شەمبی رێکەفتى 9/7/2026 روژا دووێ ژ دووەمین کۆنفرانسێ نێڤدەوڵەتیێ زانستی و جڤاکی و مرۆڤایەتیێ هەفپشک دنافبەرا زانکۆیا پۆلیتەکنیکى دهۆک، زانكۆیا سلێمانیێ، زانکۆیا فرات یا ناڤەراست، زانكویا (قرطبة) و زانکۆ و بنگەهێ عەرەبی یێ دیموكراتی ل ئەلمانیا و دیوانا وەقفا سنی و سەنتەرێ "وەعی" یێ ڕاوێژکاری و ب پشکداریا کومەکا دى یا ڤەکولەر و تایبەتمەندێن بوارێن جودا جودا ل هەمى دەزگەهێن حکومى وتایبەت ل هەرێما کوردستانێ و عیراقێ و وەلاتێن عەرەبى بهێنە ئەنجامدان.