هەواڵێن سەرەکی

د چوارچێڤەیێ پرۆژەیا Erasmus + RISE دا، زانکۆیا پۆلیتەکنیکی یا دهۆکێ چالاکیا "ڕۆژا ئێراسمۆس" ل هولا سمیناران یا سەرۆکاتیا زانکۆیێ ب پشکداراریا 40 قوتابی، دەرچوو، و کارمەندێن ئەکادیمی و ئیداری ئەنجامدان

ل ​دەستپێکا رێورەسمان پ. هـ. د. نوزەت سادق، هاریکارێ سەرۆکا زانکۆیێ بۆ کاروبارێن قوتابیان، دپەیڤەکێ دا بخێرهاتنا پشکداران کر و تەکز ل سەر گرنگیا هەڤکاریا نێڤدەولەتی بۆ پێشئێخستنا ئاستێ ئەکادیمی و زانستی یێ زانکۆیێ کر.

​ژلایێ خو ڤە رێڤەبەرێ سه‌نته‌رێ گه‌شه‌پێدانا كارى CDC د. فائز سعید، و رێڤەبەرێ رێڤەبەریا پەیوەندیێن نێڤدەولەتی د. شێروان مستەفا سەفدین، ل سەرۆکاتیا زانکۆیا پۆلیتەکنیکی یا دهۆکێ و ستافێ پرۆژەیا RISE ، چەندین زانیاریێن گرنگ و تێروتەسەل دۆر ئارمانج، هەڤپشک و چالاکیێن پرۆژەی پێشکێش کرن. ل دووڤ دا، ماموستا بارین هەڤاڵ، دەرفەتێن خواندن و ڕاهێنانێ یێن پرۆژەیا ئێراسمۆس بۆ قوتابی و کارمەندان، ب تێروتەسەلی دیارکرن و چەوانیا بەشداربوونێ و پێشکێشکرنا داخوازیان شروڤەکر.

هەروەسا ​گۆتۆبێژ و بەشداریا کارا یا ​بەرنامێ ڕۆژێ ب پێشکێشکرنا چیرۆکەکا سەرکەفتنێ ب رێکا ئۆنلاین ژ لایێ بەشداربوویەکێ ڤە بەردەوام بوو. هەروەسا دانوستاندنەکا ڤەکری ل سەر چاوانیا باشترکرنا پرۆسەیا نێڤدەولەتیکرنێ د زانکۆیێ دا و بهێزکرنا شیانێن دیجیتاڵیێن قوتابیان هاتە ئەنجامدان. د پەراوێزا چالاکیێ دا، بەشداربووان سەردانا گۆشەیەکا تایبەت یا زانیاریان کر کو تێدا مادە و زانیاریێن پەیوەندیدار ب پرۆژەیا RISE هاتبوونە پیشاندان.

​پرۆژەیێ RISE بەرنامەیەکێ دوو- سالییە د چوارچێڤەیێ بەرنامەیا Erasmus+ دا بۆ ئاڤەدانکرنا شیانان د خواندنا بلند دا. ئەڤ پرۆژەیە ژ لایێ ئێکەتیا زانکۆیێن دەریایا ناڤنجی (UNIMED) ڤە ب هەماهەنگی یا حەفت زانکۆیێن هەرێما کوردستانا عێراقێ دگەل چەندین زانکۆ و هەڤپشکێن ئەورووپی ڤە دهێتە کرن، ب ئارمانجا بهێزکرنا نێڤدەولەتیکرنێ و ڕەخساندنا دەرفەتێن کاری بۆ دەرچوویان.

دهێتە چاڤەرێکرن ​​زانکۆیا پۆلیتەکنیکی یا دهۆکێ زنجیرەکا چالاکیێن دی د چوارچێڤەیێ ئەڤی پرۆژەی دا ئەنجام بدەت مینا : ​"ڕۆژا کاریەرێ" 5ی تشرینا دووێ 2026، میهڤانداریکرنا پێشبڕکی یا "RISE Start Cup" ل 10ی تشرینا دووێ 2026. ، ل دهۆکێ، هەروەسا ​چالاکیا پەیوەندیان (Networking Event) 11ی تشرینا دووێ 2026، ل زانکۆیا زاخۆ.