هەواڵێن سەرەکی

د پێنگاڤەکا زانستی یا بێ وێنەدا لسەر ئاستێ هەرێما کوردستانێ، ل ڕۆژا چوارشەمبی (١٢ی تەباخا ٢٠٢٦)، ل سەرۆکاتیا زانکۆیا پۆلیتەکنیک دهۆک، ئێکەم جڤینا بەرهەڤکاریێ بۆ سازکرنا دووەمین کۆنفرانسێ نێڤدەوڵەتی یێ زیرەکیا دەستکرد هاتە برێڤەبرن.

​دئەڤێ روینشتنێ دا سەرۆک و نوێنەرێن هەشت زانکۆیێن هەرێما کوردستانێ ئامادەبوون کو پێکهاتبوون ژ:

پ. د. ئاری عادل، سەرۆکا زانکۆیا پۆلیتەکنیک دهۆک.

​پ. د. منهل الهام عبدال، سەرۆکێ زانکۆیا ئاکرێ بۆ زانستێن کرداری.

​پ. هـ. د. پەیمان رمضان احمد، سەرۆکا زانکۆیا ڕاپەڕین.

​پ. د. کاوە عبدالمجید شیروانی، سەرۆکێ زانکۆیا نێودەوڵەتی یا هەولێر (IUE).

​پ. د. عبدالقادر نەقشبەندی، سەرۆکێ زانکۆیا لوبنانی فەرەنسی (LFU).

​پ. هـ. د. چیا محمد حسن، سەرۆکێ زانکۆیا پۆلیتەکنیک یا گەرمیان (GPU).

​پ. هـ. د. شیروان شریف قورتاس، سەرۆکێ زانکۆیا سۆران.

​نوێنەرێ پ. د. دیار عبدالکریم سعید، سەرۆکێ زانکۆیا زاخۆ.

​ل گەل ئامادەبوونا پ. د. جەمال علی عومەر، ڕێڤەبەرێ گشتی یێ سەنتەرێ وەبەرهێنانا زانستی و هاریکارێن سەرۆکێن زانکۆیان بۆ کارۆبارێن زانستی، کارگێڕی و قوتابیان.

​

ئارمانجا سەرەکی یا ئەڤێ روینشتنێ دانانا ڕێکار و بەرهەڤیێن پێدڤی بوو بۆ سەرکەفتنا دووەمین کۆنفرانسێ نێڤدەوڵەتی یێ زیرەکیا دەستکرد ئەوێ دێ ب ناڤ ونیشان خارێ هێتە ئەنجامدان.

​(2nd International Conference on Artificial Intelligence for Sustainability in the Developing World - AISDW26 - A Hybrid Conference)

​د ئەڤێ روینشتنێ دا، شاندێن زانکۆیێن هەفپشک دانوستاندن ل سەر تەوەرێن سەرەکی یێن کۆنفرانسی کرن و ئەرک و بەرپرسیاریەتیێن زانستی، کارگێڕی، و لۆجستی د ناڤبەرا خۆ دا دابەشکرن.

و ژلایەکێ دیڤە ​گرنگی یا ئەڤی کۆنفرانسی دا دیارکرن کو ئەڤە جارا ئێکێ یە کۆنفرانسەکێ زانستی یێ نێڤدەوڵەتی ب هەڤپشکی و هەماهەنگیا ئێکسەر ل ناڤبەرا هەشت زانکۆیێن کوردستانێ و زانکۆیا مالیزی UTHM ب شێوازێ ڕاستەوخۆ (Hybrid) بڕێڤە بچیت، کو دێ بیتە دەستکەفتەکێ زانستی یێ مەزن بۆ کەرتی خواندنا بلندا هەرێما کوردستانێ.