هەواڵێن سەرەکی

پێخەمەت بهێزکرنا گرێدانا شیانێن کارسازیێ و نێڤدەولەتیێ و زێدەکرنا شیانێن بکارئانینێ ل دامودەزگەهێن خواندنا بلند ل هەرێما کوردستانێ چالاکیا حەفتیا راهێنانا RISE project بۆ بهێزکرنا کارێ سەنتەرێ گەشەپێدان بۆ کاری و رێڤەبەریا پەیوەندیێن نیڤدەولەتی ل زانکۆیا مورسیا یا ئیسپانیا ژلایێ ئێکەتیا ئورۆپی و رێکخراوا UNIMED ڤە، و ب هەڤکاری دگەل وەزارەتا خواندنا بلند ڤەکولینێتن زانستی دهێتە برێڤەبرن.

ژبۆ ئەڤێ مەرەمێ ستافێ زانکۆیا پۆلیتەکنیک دهۆک یێ پێک هاتی ژ د. نوزت صادق, هاریکارێ سەرۆکا زانکۆیێ بۆ کاروبارێن قوتابیان؛ د. فائز سعید،رێڤەبەرێ سەنتەرێ گەشەپێدان بۆ کار؛ "د. کوردمان محمد علي" راگرا پەیمانگەها تەکنیکی شێخان؛ د. شیروان مصطفی, رێڤەبەرێ پەیوەندیێن نیڤدەولەتی؛ و د. چنار عبد القادر, سەرۆکا بەشێ چارەسەریا سروشتی؛ دگەل نوینەرێن وەزەرەتا خواندنا بلند و زانکۆیێن هەرێما کوردستانێ سەرەدانا وەلاتێ ئسپانیا کڕ و ب گەرمی ژلایێ هەر ئێک ژ "خوسێ لوژان" سەرۆکێ زانکۆیا مورسیا، ​"خوان ماریا ڤازکیز" راوێژکارا ژینگەهێ، " ​ئالیسیا روبیو" جێگرا سەرۆکێ زانکۆیێ بۆ کاروبارێن قوتابیان و "​سێلڤیا مارکیونێ" یا رێکخراوا UNIMED و ب هەماهەنگی یا پرۆژەیێ RISE هاتنە پێشوازیکرن.

​د ڤێ حەفتیا راهێنانێ دا 36 پشکدار ژ هەرێما کوردستانا عیراقێ بەشدارن، کو پێکدهێن ژ جێگرێن سەرۆکێن زانکۆیان بۆ کاروبارا قوتابیان و رێڤەبەر و ستافێن نڤیسینگەهێن پەیوەندیێن نێڤدەولەتی و رێڤەبەرێن سەنتەرێن گەشەپێدانا کاری CDC و دێ ئەڤ خولا ​راهێنانێ ل سەر دوو تەوەرێن سەرەکی راوەستیت بۆ پێشڤەبرنا شیانێن بکارئانینێ

د تەوەرێ ئێکێ دا دێ دانوستاندن ل دور ​خزمەتگوزاریێن سەنتەرێن گەشەپێدانا کاری بۆ رێنماییکرنا قوتابی و دەرچوویان د ڤەگوهاستنا وان بۆ بازارێ کاری و گرێدانا وان ب بازارێ کاری ڤە هێتە کرن.

و د تەوەرێ دووێ دا دێ ​دانوستاندن لسەر کارێ ئازاد بۆ پەرەپێدانا کولتوورەکێ کارێ ئازاد دراهێنان و ئاراستەکرنێ دا وەک رێکەکا تەمامکەر بۆ بکارئانینێ هێتە کرن.