هەواڵێن سەرەکی

ب مەرەما ئالوگورکرنا هزرێن ئەکادیمی و بهێزکرنا تورا ئەکادیمیک و پیشەیی د داهاتی دا، پ.هـ. د. دیار احمد صائب صدیق ڕێڤەبەرێ گشتی یێ سەنتەرێ ڤەکۆلینێن زانستی ل زانکۆیا پۆلیتەکنیک دهۆک پشکداری د کۆنفرانسى رێکخراوا (DAAD) یا ئەلمانی دا کڕ ئەوێ ل ڕێککەفتی 6-8/10/2025 ل هوتێل و سەنتەرێ کۆنفرانسان یێ Radisson Blue Hotel ل وەلاتێ تونس هاتیە ڕێکخستن.

پ.هـ. د. دیار احمد صائب صدیق, رێڤەبەرێ گشتی یێ سەنتەرێ ڤەکۆلینێن زانستی ل زانکۆیا پۆلیتەکنیک دهۆک ل دور ئەڤێ چەندێ گوت: ئەڤ کونفرانسە هاتبۆ ڕێکخستن ژبۆ ئالوگورکرنا هزرێن ئەکادیمی ل تونس، عمان و قاهیرە، هەروەسا ژبۆ هەڤپەیوەندیکرن و هەڤکاریا نینەران و ئەکادیميێن جیهانێ ژ دەڤەرێن ڕۆژھەلاتا ناڤين و باکورێ ئەفریقیا، بۆ پەیوەندیکرنێ و ڤەدیتنا دەستپێشخەریا هەڤپشکانە و پێداچوون و دەرئەنجام ودانوستاندنێ ل سەر ستراتیژیا هەڤکاریێن داهاتی.

پ.هـ. د. دیار احمد صائب صدیق, ئەو چەندە ژی دا زانین کو د ئەڤی کۆنفرانسی دا چەندین پەنەلێن گرنک هاتنە پێشکێشکرن و دانوستاندن لدور بابەتێن سەرکردایەتی و هەڤبەشیا بەردەوام و هەڤکاریا ناوچەیی و گەشەپێدانێ هاتنە کرن.