هەواڵێن سەرەکی

زانکۆیا پۆلیتەکنیکی یا دهۆکێ د چالاکییەکا تایبەت دا ل سەرۆکایەتیا زانکۆیێ، "ڕۆژا بەلاڤکرنێ" بۆ پرۆژەیا نێڤدەولەتی یا Erasmus + RISE بڕێڤەبر.

​ب ئامادەبوونا پ. هـ. د. نوزت صادق، هاریکارێ سەرۆکا زانکۆیێ بۆ کاروبارێن قوتابیان و ب پشکداریا پتر ژ 25 کەسان ژ مامۆستا، قوتابی، و نوێنەرێن سێکتەرێ حکومی و بازرگانی هاتە ئەنجمدان و تەکەزی ل سەر گرنگیا هەڤکاریا نێڤدەولەتی هاتە کرن بۆ پێشخستنا خواندنا بلند ل هەرێما کوردستانێ.

ژلایێ خۆڤە تیمێ پرۆژەی، د. شێروان مستەفا و د. فائز سعيد، تەکەزی سەر ئارمانجێن سەرەکی یێن RISE ، ب تایبەت باشترکرنا شیانێن دیجیتاڵی و نەرم (Soft skills) یێن قوتابیان بەری دەرچوونێ، و ب هێزکرنا پەیوەندیان دگەل بازاڕێ کاری کرن.

​ل دووماهیێ هاتە ڕاگەهاندن کو زانکۆ دێ بەردەوامیێ دەتە چالاکیێن ڤی پرۆژەی؛ ب بڕێڤەبرنا ڕۆژا "Erasmus" ل 15ی تشرینا ئێکێ، "ڕۆژا کاریەرێ" ل 5ی تشرینا دووێ، و میهڤانداریکرنا پێشبڕکی یا "RISE Start Cup" ل 10ی تشرینا دووێ 2026.