هەواڵێن سەرەکی

د دەستکەفتەکا گرنگ و بێوێنە دا، زانکۆیا پۆلیتەکنیک دهۆک شیا پلەیێن بەرز د ڕێزبەندیا زانکۆیێن بەردەوام یا ( UI GreenMetric) بۆ سالا 2026 دا ب دەستڤە بینت.

​لدویف ئەنجامێن ڕێزبەندیێ، زانکۆیا پۆلیتەکنیک دهۆک شیایە ئەڤان پلەیان مسۆگەر بکەت:

​ڕێزا سێیێ: ل سەر ئاستێ زانکۆیێن حکومی ل هەرێما کوردستانێ.

​ڕێزا ئێکێ: ل سەر ئاستێ زانکۆیێن پارێزگەها دهۆکێ.

​ئەنجامێن ڤێ ڕێزبەندیێ دوهی ئێڤاری ب فەرمی هاتنە ڕاگەهاندن، د ڕێورەسمێن تایبەت دا کو ل زانکۆیا دەولەتێ یا نەفت و پیشەسازی یا ئازەربایجانێ (Azerbaijan State Oil and Industry University- ASOIU) ل باژێرێ باکۆ هاتبوونە ڕێکخستن.

​گرنگیا ڤی دەستکەفتی د وێ چەندێ دایە کو سالا 2026 ئێکەم سالە زانکۆیا پۆلیتەکنیکی دهۆک پشکداریێ د ڕێزبەندیا ( UI GreenMetric) دا دکەت. ئەڤ پێشکەفتنە ڕەنگڤەدانا بزاڤێن جڤاکێ زانکۆیێ یە بۆ بەرەڤ بەردەوامیێ، پاراستنا ژینگەهێ و دروستکرنا کەمپوسەکێ کەسک و ساخلەم.

​د ڤێ دەربارێ دا، پ. د. ئاری عادل سەرۆکا زانکۆیا پۆلیتەکنیک دهۆک، د پەیامەکێ دا سوپاسیا هاریکارێن سەرۆکا زانکۆیێ، ئەندامێن جڤاتا زانکۆیێ و هەمی وان ستاف و فەرمانبەران کر یێن کو ڕۆل هەبووی د ئامادەکرن، هەماهەنگی و پێشکێشکرنا داتایێن ڕێزبەندیێ دا، و گەرمترین پیرۆزباهی ئاراستەی هەمی لایەکی کرن ب هەلکەفتا ڤی دەستکەفتی.