هەواڵێن سەرەکی

ب مەرەما خورتکرن و ئەنجامدانا کارێن هەفپشک ل رێکەفتى 25/1/2024 شاندێ کونسلخانەیا ئەمریکا ل هەرێما کوردستانێ ژلایێ (پ. د. ئاری عادل) سەرۆکا زانکۆیا پۆلیتەکنیک دهۆک هاتە پێشوازیکرن

دروینشتنەکا ڤەکرى دا و ب ئامادەبوونا هەر دوو هاریکارێن سەرۆکا زانکۆیێ بۆ کاروبارێن زانستى و خواندنا بلند و کاروبارێن قوتابیان و راگرا پەیمانگەها تەکنکیى شێخان و رێڤەبەرێ پەیوەندیێن نێڤدەولەتى و ب نوینەرێ کونسلخانەیا ئەمریکا ل هەرێما کوردستانێ (م. رێڤینک مزیرى) دانوستاندن ل سەر خورتکرنا پەیوەندیان و دیتنا دەلیڤەیێن نوى یێن هەفپشکێن کارکرنێ دچەندین بورایێن جودا جودا داهاتنە بەحسکرن پێخەمەت پێشڤەبرنا ئاستێ زانستى و جڤاکى ل هەرێما کوردستانێ ب گشتى و پارێزگەها دهۆکێ ب تایبەتى.

ژلایەکێ دیڤە چاوانیا ب رێڤەچوونا کاروچالاکی و پروگرامێن نوکە یێن کار لسەر دهێتە کرن مینا سەنتەرێ سیسکو و پروژێن ئایرێکس هاتنە بەحسکرن و تەکەزى لسەر بەردەوامیدانا وان هاتە کرن.

دهێتە چاڤەرێکرن د روژێن بهێت دا نوینەرێن کونسلخانەیا ئەمریکا ل هەرێما کوردستانێ پشکداریێ دڤەکرنا سەرنتەرێ پێشخستنا شیان و سەنتەرێ زمانان دا بکەن ئەوێن دێ ل زانکۆیا پۆلیتەکنیک دهۆک هێنە ڤەکرن.