هەواڵێن سەرەکی

زانکۆیا پۆلیتەکنیکى یا دهۆک (DPU) و بهەڤکارى دگەل رێکخراوا ئەمیدیست (Amideast)، ل ڕێککەڤتی ١٤-٢-٢٠٢٤ سمينارەك لدور چەوانیا پێشکێشکرنێ بۆ سوکولارشیپا فولدبرایت (Fulbright) یا حکومەتا ئەمریکی ب ئامادەبوونا "پ. هـ. د. یەمان سامی " هاریکارێ سەرۆکا زانکۆیێ بۆ کاروبارێن زانستی و خواندنا بلند و"پ. هـ. د. نوزت صادق" هاریکارێ سەرۆکا زانکۆیێ بۆ کارۆبارێن قوتابیان لسەرۆکاتیا زانکۆیا پۆلیتەکنیک دهۆک بۆ ژمارەکا فەرمانبەر و دەرچویێن زانکۆیێ ئەنجامدا

ل دەسپێکێ ڕێڤەبەرێ ڕێکخراوا ئەمیدێست یا ئەمریکی ل عێراقێ (Stephen Kochuba) سەرپەرشتييا ڤێ روينشتنێ کر وپێزانین وتێبینی دەربارەی مفایێن پشکداریکرنێ دئەڤى پروژەى وپروسێسا پێشکێشکرنێ دا بۆ ئامادەبویان شروڤکرن، و ژلایەکێ دیڤە "م.هندرین سالم" ڕێکخەرێ ڕێخراوا نافهاتی بەردەوامی دا تەوەرێن دانوستاندنێ.

پێخەمەت پەیداکرنا دەرفەتەکێ بۆ پشکداران و پێدانا زانیاریێن زێدەتر ئەڤ دانوستاندنە دەربارەی ئەڤی پروگرامێ هاتە ئەنجامدان، پێخەمەت دیارکرنا ئارمانجا پروگرامی ئەوێ دهێتە چاڤەرێکرن دسالا ٢٠٢٥ دا بهێتە ئەنجام دان.

دهێتە زانین سالانە وەڵاتێ ئەمریکا دەرگەهێ پێشکێشکرنێ یێ ئەڤێ سوکولارشیپێ بۆ هەمى وەڵاتێن جیهانێ ڤەدکەت و ل دویف مەرجێن وان هەین، خوازیار دشێن ناڤ و زانیاریێن خۆ توماربکەن، ژبەر ڤێ چەندێ زانکویا پۆلیتەکنیک دهۆک ب فەر دیتیە ئەڤێ دەلیڤەیێ ل بەر ستاف و قوتابیێن خۆ ب ڕێکا دانوستاندنەکێ ئەنجام بدەت پێخەمەت وێ چەندێ ئەوژی زانیاریێن ڕاست و دورست وەرگرن و مفای بۆ خۆ ژێ ببینن، و ڕێک و شێواز و مەرجێن پێشکێشکرنێ بزانن.