هەواڵێن سەرەکی

پێخەمەت موکمکرن و خورتکرنا پەیوەندییان ل رێکەفتى 24/ 01/ 2024 "پ. هـ. د. نوزت صادق احمد" هاریکارێ سەروکا زانکۆیا پۆلیتەکنیکى یا دهۆک بو کاروبارێن قوتابییان و ستافێ دگەل دا پێشوازیا شاندێ زانکۆیا ئەمریکى کوردستان- دهۆک کر، دروینشتنەکێ دا هەر دوولایان دانوستاندن لسەر موکمکرن و بهێزکرنا پەیوەندییێن دوو قولی و هەڤکاریکرنا هەڤپشک کر پێخەمەت پێشڤەبرنا کارێ ئەکادیمى و خزمەتکرنا قوتابییان بشێوەیەکێ باشتر.

ژلایێ خوڤە "پ. هـ. د. نوزت صادق احمد" هاریکارێ سەرۆکا زانکۆیێ تەکەزی لسەر وێ چەندێ کر کۆ ژینگەهەکا باشتر بۆ قوتابیێن هەر دوو زانکۆیان بهێتە دابین کرن ژلایێ رێکەفتنامێن لێکتێگەهشتن و دروستکرنا پەیوەندیەکا موکمتر دنافبەرا قوتابیان دا بهێتە دروستکرن پێخەمەت خزمەتکرنا زانکۆیێ و پێشڤەبرنا پروسێسا خاندنێ

ژلایێ خوڤە "ئارى احمد" سەرۆکێ شاندی و رێڤەبەرێ پەیوەندیێن نێڤدەولەتى لـ زانکۆیا ئەمریکى کوردستان – دهۆک ئامادەباشیا خۆ و ستافێ دگەل دا دیارکر پێخەمەت ئەنجامدانا کارێن هەڤپشک بۆ پشتەڤانیکرنا ئەکادیمى دناڤبەرا هەر دوو زانکۆیان دا،

ل دویماهیا ئەڤێ روینشتنێ دانوستاندن لسەر وێ چەندێ هاتە کرن کو ئەو دەستپێشخەریێن هاتینە ئاماژەپێکرن نە بتنێ بو بهێزکرنا پەیوەندیان بن ، بەلکۆ بۆ پێشخستنا هەر دوو زانکۆیان بن دبوارێن جودا جودا دا، و ئەڤ هەڤدیتنە ببیتە ئەگەرێ سەرەکی یێ دەستپێشخەریا کارێن هەڤپشک پێخەمەت باشتر پشتەڤانیکرنا و خزمەتکرنا قوتابى و دەرچویێن زانکۆیان و کومەلگەهێ، و پێشخستنا ڤەکولینێن زانستی و پەیداکرنا دەلیڤەیان.