هەواڵێن سەرەکی

ژ چارچوڤێ به‌رنامێ پروژێن زانكۆيا پۆليته‌كنيك دهۆك دگەل زانکۆیێن جیهانی و پێخەمەت زێدەتر پێگه‌هاندن و بلندکرنا ئاستێ زانستی و ره‌وشه‌نبيرى يێ ستافێ زانکۆیێ، بۆ دەمێ 7حەفت روژایە 9نەهـ ماموستايێن په‌يمانگه‌ها ته‌كنيكى دهوك ژ پشكێن (ميكانيك و وزا روژێ ، ته‌كنولوجيا ئاميرێن نوژدارى)ى پشکداری خوله‌كا راهێنانێ یا ووزا روژێ و گه‌رماتيێ ل زانكۆیا فرايبورگ يا ئه‌لمانى بووین

دئەڤێ خولێ دا نوینەرێن زانکۆیا پۆلیتەکنیک دهۆک روژانە وانەیێن تيورى و پراكتيكى لدور بكارئينانا وزا روژێ و گه‌رماتيێ ژبو دابين كرنا هێزا ئه‌لكتريكێ و كاروبارێن دى يێن روژانه‌ وەردگرتن و زێدەباری ئەڤێ چەندێ سه‌ردانا چه‌ند لابورێن زانکۆیا ئەلمانی و كارگه‌ها چێكرنا ترومبێلێن ئه‌لكتريكێ دکرن.

دهێته‌ زانين پێخەمەت موکمکرنا پەیوەندیان دنافبەرا زانکۆیا پۆلیتەکنیک دهۆک و زانکۆیا فرایبورگ دا چەندین خول کارێن دیێن هەڤپشک مینا ئالگورکرنا زانیاریان هاتینە ئەنجامدان و پێشتریش چه‌ندين ماموستايێن زانكۆيا پۆليته‌كنيك دهۆك راهێنان ل زانكۆيا فرايبورگ يا ئه‌لمانى وەرگرتینە.