هەواڵێن سەرەکی

لژێر چاڤدێریا پ. د. ئــــاری عــــادل، سەرۆکا زانکۆیا پۆلیتەکنیک دهۆک و ​ب ئامادەبونا هاریکارێ سەرۆکا زانکۆیێ بۆ کاروبارێن زانستی و خواندنا بلند و هەر ئێک ژ راگرێ کولیژا تەکنیکی ئەندازیاری، رێڤەبەرێ سەنتەرێ سیسکۆ و سەرۆکا پشکا ئەندازیاریا سایبەری، ئەڤرۆ رێکەفتی 17/9/2026 رێورەسمێن بدوماهیک ئینانا خولا چر و پڕ یا ئاسایشا ئەلیکترۆنی (Intensive Cybersecurity Course) ب سەرپەرشتیا ئەکادیمیا سیسکۆ یا زانکۆیا پۆلیتەکنیکی دهۆک بۆ 32 قوتابی و دەرچوویێن زانکۆ و پەیمانگه‌هێن سنورێ پارێزگەها دهۆکێ هاتە ئەنجامدان

ل دور ئەڤێ خولێ پ. هـ.. د. یەمان سامی شەریف،هاریکارێ سەرۆکا زانکۆیێ بۆ کاروبارێن زانستی و خواندنا بلند د پەیڤەکێ دا پیروزباهیا پشکدارێن خولێ کڕ، کو( 60) دەمژمێرێن تیوری و پراکتیکی وەرگرتین ب مەڕەما ئاشناکرنێ ب شیان و شارەزاییێن تایبەت ب بواری ئاسایشا ئەلیکترۆنی ڤە ل هەر دوو کەرتێن گشتی و تایبەت و هەروەسا داخازا سەرکەفتنێ و بەردەوامیێ بۆ پشکداران خواست، هەر ب ئەڤێ مەرەمێ سۆپاسیا هەر ئێک ژ پ. هـ. د. ئاودێر محمد ئەحمەد، د. نارین عبیدالله محمد و م. ئەحمەد رمضان رەشيد، کر وەک وانەبێژێن خولێ و ستافێ ئەکادیمیێن سەنتەرێ سیسکۆ یێ زانکۆیا پۆلیتەکنیک دهۆک و زانکۆیا پۆلیتەکنیک سلێمانیێ، ژ بوو شروڤەکرن و دیارکرنا گرنکترین تەوەر و بابەتێن ئاسایشا ئەلکترونی بۆ پشکدارێن خولێ.

ژلایەکێ دیڤە سۆپاسیا سەنتەرێ سیسکۆ و راگریا کولیژا تەکنیکی ئەندازیاری کڕ بۆ ئەنجامدانا ئەڤێ خولا گرنگ کو ب شێوەکێ رێک و پێک هات بوو رێکخستن و ل دویڤ پێدڤییێن پراکتیکیێن بازاڕێ کاری د بواری ئاسایشا ئەلیکترۆنی دا.

و ل دوماهیێ باوەرنامێن پشکداریێ ژلایێ ئامادەبوویان ڤە لسەر پشکدارێن خولێ هاتنە بەلاڤکرن.