هەواڵێن سەرەکی

د چارچۆڤێ بزاڤێن بەردەوام یێن زانکۆیا پۆلیتەکنیکی یا دهۆک - سەنتەرێ ڤەکۆلینێن زانستی بۆ پشتەڤانیکرنا مامۆستایان و رەخساندنا ژینگەهەکا گونجای بۆ داهێنان و ڤەکۆلینێن زانستی، سمینارەکا تایبەت ژ لایێ پ. هـ. د. دیار صائب، رێڤەبەرێ گشتیێ سەنتەرێ ڤەکۆلینێن زانستی، ل هۆلا سمیناران یا سەرۆکاتیا زانکۆیێ بۆ ستافێ ماموستایێن کولیژا تەکنیکی یا دهۆک هاتە پێشکێشکرن.

​ئەڤ سمینارە ب مەرەما پەرەپێدانا شیانێن ستافێ زانستی و زێدەکرنا رۆلێ وان د پێشئێخستنا جڤاکی دا هاتە رێکخستن ودئەڤێ سمینارێ دا ب هووری بەحسێ رەوشا ڤەکۆلینێن زانستی هاتە کرن و تەکەزی ل سەر سێ تەوەرێن سەرەکی هاتە کرن، کۆ

د تەوەرێ ئێکێ دا: ​بلندکرنا کوالیتیا ڤەکۆلینان هاتە بەحسکرن و دانانا پلانێن نوو دا کۆ ڤەکۆلینێن زانستی بگەنە ئاستەکێ جیهانی یێ بەرز.

و دتەوەرێ دووێ دا: چارەسەرکرنا ئاستەنگان هاتە بەحسکرن دانوستاندن ل سەر وان کێشەیان هاتە کرن یێن دبنە رێگر ل پێشیا ڤەکۆلەران و دیتنا رێکارێن گونجای بۆ وان ئاریشەیان،

و تەوەرێ سێ یێ و دوماهیێ دا: بەحسی ​هاندانا کارێ ب کۆم هاتە کرن و جەخت ل سەر گرنگیا پێکئینانا "گرووپێن ڤەکۆلینێ" هاتە کرن، پێخەمەت وێ جەندێ مامۆستا ب هەماهنگی کار بکەن بۆ دەستڤەئینانا ئەنجامێن باشتر.

دهێتە چاڤەرێکرن ​ئەڤ چالاکیە وەک پێنگاڤەکا گرنگ بۆ ستافێ ئەکادیمیێ هەمی کولیژ و پەیمانگەهێن تەکنیکیێن زانکۆیا پۆلیتەکنیک دهۆک بهێتە پێشکێشکرن بۆ بهێزکرنا ژینگه‌ها زانستی ل زانکۆیێ و پالپشتیکرنا ڤەکۆلەران بۆ ئەنجامدانا کارێن نۆی و پڕ بها.