هەواڵێن سەرەکی

ب مەرەما خورتکرنا پەیوەندیێن هەفکاریێن کرداری دنافبەرا زانکۆیێن پۆلیتەکنیکیێن عیراقی و بەلجیکا و وەک پارچەک ژ پروگرامێ TEVT2 ئەوێ دهێتە پاپشتیکرن ژلایێ ئێکەتیا ئەوروپی ڤە،ل رێککەفتی 29/11/2023 شاندێ زانکۆیا پۆلیتەکنیک دهۆک یێ پێک هاتی ژ "د.فيروز مصطفى حمدي" سەرۆکا پشکا تەکنیکێن راگەهاندنێ و "د. کاروان جعفر عبدالرحمن" رێڤەبەرێ پێشخستنا شیانان، سەرەدانا زانکۆیا گینت و گینت یا زانستێن کرداری ل بەلجیکی کر و ژلایێ "د. فريدريك دي ديكر" سەرۆکێ نڤیسینگەها پەیوەندیێن نێڤدەولەتیڤە هاتنە پێشوازیکرن و ل روژا دووێ ژ ئەڤێ سەرەدانێ شاندنێ زانکۆیێ ژلایێ زانکۆیا هوگينت ڤە هاتنە پێشوازیکرن، و ژلایێ خوڤە ستافێ رێکخراوا یونسکۆ وشاندێ زانکۆیا پۆلیتەکنیک دهۆک ب ئەڤێ سەردانێ دکەیف خوش بوون وئەڤێ چەندێ ژی رولەکێ گرنگ و کارا و بەردەوام یێ پروسێسا بولونا دا هەی ل هەرێما کوردستانێ و عیراقێ.

ژلایەکێ دیڤە شاندێ زانکۆیێ سەرەدانا بالیوزخانا عیراقێ و نوینەرایەتیا هەرێما کوردستانا عیراقێ ل بروکسلێ کر، و ژلایێ بەرێز ئەحمەد بەرواری و دلۆڤان ئاشگەیی ڤە هاتنە پێشوازیکرن ودروینشتنەکێ دا بایلوزێ عیراقێ ل بەلجیکا سەرەدانا شاندێ زانکۆیێ ب گرنگ دا زانین و ئاماژە ب وێ چەندێ ژی کر کو خورتکرنا پەیوەندیان ل گەل زانکۆیێن بەلجیکی پێناگاڤەک گەلەک باشە چونکی دێ هەر دوو لا مفای ژ شیانێن ئێک وەرگرن.