هەواڵێن سەرەکی

ئەڤرۆ رێکخراوا Cowater International ب هەڤکارى ل گەل سەنتەرێ گەشەپێدان بۆ کارى (CDC) د چوارچۆڤەیێ پڕۆژەیێ ئیزدیهارەک (ISDEHARAK Project) یێ ئێکەتییا ئەوڕۆپا دا وۆڕکشۆپەکا سێ ڕۆژی ل زانکۆیا پۆلیتەکنیکی یا دهۆکێ هاتە ئەنجامدان، هەردوو شاڕەزایێن بیاڤێ ڕێنمایێن پیشەیى د. بڕایان ستەینسی و م. ڕۆجێر نوجەیم ل گەل رێڤەبەرێ سەنتەرێ زانکۆیێ یێ گەشەپێدان بۆ کارى م. بێوار سلێمان وانەبێژێن وۆڕکشۆپێ بوون.

د وۆڕکشۆپێ دا کار ل سەر پێشڤەبرنا کارێ سەنتەرى گەشەپێدان بۆ کارى و شیانێن کەسایەتى یێن ستاف و ڕێکخەرێن سەنتەرى ب ڕێیا مفاوەرگرتن ژ باشترین پڕاکتیکێن نێڤدەولەتى هاته کرن و زێدەباری گرنگیدان ب بەرهەڤکرنا قوتابییان و چاوانیا پێشڤەبرنا شیانێن وان ل دیف پێدڤییێن بازارێ کارى ب ڕێیا دانوستاندنێن ئێکسەر ل گەل قوتابییان و پشکداریکرنا نوونەرێن کۆمپانییێن کەرتێ تایبەت د وۆڕکشۆپێ دا ل گەل دانانا ستراتیژییەکا گونجاى بۆ هەڤبەشییەکا باشتر ل گەل کەرتێ تایبەت.

هەژى ئاماژەپێکرنێ یە کو پێشخستنا شیانێن ستافێ سەنتەرێن گەشەپێدان بۆ کارى ئەجندایەکا سەرەکی یا چالاکییێن پڕۆژەیێ ISDEHARAK یە و پڕۆژە ژی پشکەکە ژ بەڕنامەیێ (Agri-Food Business Development ) یێ ئێکەتیا ئەوروپا پشتەڤانییا دارایی لێ دکەت، کو ل ساڵا 2022 دەستپێ کربوو و دێ ل دوماھییا ساڵا 2025 ب دوماهی هێت و کۆژمێ 9.17 ملیۆن یۆرۆ بۆ هاتینه دابینکرن.