هەواڵێن سەرەکی

د پێنگاڤەکا زانستی دا بۆ بلندکرنا ئاستێ قوتابیان و ئامادەکرنا وان بۆ بازاڕێ کاری، سەنتەرێ(CDC) ل کۆلیژ و پەیمانگەها تەکنیکی یا زاخۆ، ب هەماهەنگی دگەل ڕێکخراوا جیهانی یا (SPE)، وۆرکشۆپەکا پێشکەفتی ل ژێر ناڤێ

"تێگەهشتن د پیشەسازییا پەتڕۆل و غازێ دا" ب دوماهی ئینا.

​ئەڤ چالاکییا زانستی بۆ دەمێ پێنج رۆژان (هەر ژ ٢٥ تا ٢٩ کانونا دووێ ٢٠٢٦) یا بەردەوام بوو. تێدا ب شێوازەکێ ئەکادیمی یێ هویر، تیشک دئێخستە سەر قۆناغێن جودا یێن پیشەسازییا پەتڕۆلێ، ژوان:

​قۆناغا دەستپێکی (Upstream): گرنگیا جیۆلۆجی و تەکنیکێن نوو یێن هەلکۆلینا بیران.

​قۆناغێن ناڤنجی و دوماهیێ (Midstream & Downstream): پرۆسەیێن ڤەگوهاستن و پالاڤتنا پەتڕۆلا خاڤ و کارکرنا ئامیرێن وێستگەهان.

​تەندروستی و سلامەتی و ژینگەهـ (HSE): شڕۆڤەکرنا پیڤەرێن جیهانی یێن پاراستنا ژینگەهێ و سلامەتییا کارمەندان.

ئەڤ ​وۆرکشۆپ ژ لایێ خودان ئەزموون و پسپۆرێن کۆلیژێ هاتبوو بڕێڤەبرن، کو تێدا ٧٣ قوتابی (٤٩ قوتابیێن کۆر و ٢٤ قوتابیێن کچ) ژ پشکێن جیۆلۆجییا پەتڕۆلێ و پەتڕۆلێ پشکدار ببوون. ئەڤ رێژەیا پشکداریێ نیشانا گرنگیدانا قوتابیانە ب بوارێن وزەیێ.

ب مەرەما پێدانا بەوەرنامەیان ​ل رۆژا ٣ شواتا ٢٠٢٦، د رێورەسمەکێ هەژی دا و ب ئامادەبوونا پ.هـ.د. عمار عصام ادریس, هاریکارێ ڕاگرێ کۆلێژێ، و پ.هـ. قیس مصطفى عبدالقادر, ڕێکخەرێ سەنتەرێ (CDC)، و ژلایێ خوڤە جەخت ل سەر بەردەوامیا ڤان جۆرە خولان هاتە کرن بۆ گەهشتن ب ئارمانجێن گەشەپێدانا بەردەوام (SDGs) وەک دابینکرنا خاندنەکا ب کوالتی و ئامادەکرنا کادرێن شارەزا بۆ ئابوورێ وەڵاتی، و دیڤدا باوەرنامێن پشکداریکرنێ ژ لایێ ڕێکخراوا (SPE) ڤە ب سەر قوتابیێن پشکدار دا هاتنە بەلاڤکرن.