هەواڵێن سەرەکی

ب مەرەما هەڤکاریێ دبوارێن داهێنان، تەکنۆلۆجیا و کارسازیێ دا ومفا وەرگرتن ژ هەر دوو سەنتەرێن (کارسازیێ وسپەیسا KII) پێخەمەت زێدەتر بهێزکرنا هزرێن نوی یێن قوتابی و ماموستایێن زانکۆیا پۆلیتەکنیک دهۆک و خەلکێ دەڤەرا بادینان ل رۆژا چوارشەمبێ رێکەفتى ١٢ێ کانوینا دووێ ٢٠٢٥، پرۆفیسۆر دکتورە "ئـــــاری عــــادل" سەرۆکا زانکۆیێ و ستافێ دگەل دا ل سەرۆکاتیا زانکۆیێ پێشوازیا" سیونگ چیول لیم" کونسولێ گشتی یێ کۆمارا کۆریا باشور ل هەڤلێرێ ب هەڤالینیا " د. ئازاد نجار" رێڤەبەرێ گشتی یێ ئەنستتیوتا داهێنان ونویگەریا کوردستان (KII) و شاندێ دگەل دا کڕ.

د روینشتنەکێ دا هەر سێ لایەنان دانوستاندن لسەر رێکێن هەڤکاریێ دبوارێ داهێنان، تەکنۆلۆجیا و کارسازیێ دا و تەکەزی لسەر وێ چەندێ هاتە کرن کو مفا ژ هەر دوو سەنتەرێن (کارسازیێ وسپەیسا KII) بهێته وەرگرتن پێخەمەت زێدەتر بهێزکرنا هزرێن نوی یێن قوتابی و ماموستایێن زانکۆیا پۆلیتەکنیک دهۆک بتایبەتی و زانکۆیێن پارێزگەها دهۆکێ و خەلکێ دەڤەریا بادینان بگشتی،

ژلایەکێ دیڤە هەر سێ لایەنان دوپاتی لسەر بهێزکرنا پەیوەندیێن ئەکادیمی وپیشەسازی کرن کو دئایندەکێ نێزیک دا کار و رێخوشکرنا رێکاران بهێته کڕن لسەر پشکداریکرنا ستافێ زانکۆیێ د پێنجەمین فۆروما ئابووری یا کوری-کوردستانێ دا، کو ئەڤ فورمە بۆ کارکرنا دانانا ستراتیجیێن گەشەپێدانا ئابووری ل هەرێما کوردستانا عیراقێ دهێته ئەنجام دان برێکا مفا وەرگرتن ژشارەزایی وپسپۆرێن کۆریا باشور پێخەمەت پەیداکرنا دەرفەتێن نوی بۆ کاری.