هەواڵێن سەرەکی

لژێر چاڤدێریا ( پ. د. ئاری عادل) سەرۆکا زانکۆیا پۆلیتەکنیک دهۆک و ( پ. د. عبدالوهاب خالد ) سەرۆکێ زانکۆیا نەورۆز و ب ئامادەبوونا(م. صالح حیدر) بەرپرسێ لقا بیست، (م. سردار شێخ یحیى) دەڤەردارێ شێخان، و( پ. هـ. د. نوزت صادق) هاریکارێ سەرۆکا زانکویێ بۆ کاروبارێن قوتابییان، و( پ. د. موئەیەد بەرکات) هاریکارێ سەرۆکا زانکویێ بۆ کاروبارێن کارگێری و دارایی و ئەندام پەرلەمان و ژمارەکا رێڤەبەر وبەرپرس و نوینەرێن دام و دەزگەهێن میری و حزبی و کەسایەتێن دەڤەرێ و چەندین مامۆستا و فەرمانبەر و قوتابیێن پەیمانگەها تەکنیکی شێخان، ئەڤرۆ رۆژا ئێک شەمبی رێکەفتى 10/3/2024 ل هۆلا ناڤەندا وەرزش و لاوێن شێخان، دانوستاندن ل دور بەرجەستەکرنا فیدرالیزمێ وەکو چارەسەری بو ئالوزیێن سیاسی ل عیراقێ هاتە کرن

ل دەستپێکێ (د. کوردمان محمدعلی) راگرا پەیمانگەها تەکنیکى یا شێخان بخێرهاتنا مێهڤانان کڕ و کارێن ب هەڤپشکی ل دور دیدارێن هوسا دگەل زانکۆیا نەوروز ب گرنگی دا زانین پێخەمەت خورتکرنا پێگەهێ مللەتێ کورد د عیراقا فیدرال دا و ژلایەکێ دیڤە رولێ زانکۆیا پۆلیتەکنیک دهۆک بلند نرخاند د پشتەڤانیکرنا کولیژ و پەیمانگەهان دا،

ژلایەکێ دیڤە دیدارا بەرجەستەکرنا فیدرالیزمێ وەکو چارەسەری بو ئالوزیێن سیاسی ل عیراقێ ب ئامادەبوونا کەسانێن بسپور و شارەزا د بابەتێ نافهاتی دا ب پانێلەکی هاتە برێڤەبرن و ل دویماهیێ دەرگەهێ دانوستاندنێ هاتە ڤەکرن و ئامادەبویان ژی پێشنیاز و دیتن و بوچوونێن خو ئاراستەی پەنیلیستان کرن.