هەواڵێن سەرەکی

چارەمین کۆنفرانسێ نیڤدەوڵەتیێ کوالیتییا پەروەردە و فێرکرنێ ل عێراقێ هاتە ئەنجامدان

لژێر چاڤدێریا وەزیرێ خواندنا بلند و ڤەکولینێن زانستى ل هەرێما کوردستانێ(دكتور ئـــــارام محەمەد قادر) و ب سەرپەرشتیا "پ. د. ئاری عادل" سەرۆکا زانکۆیا پۆلیتەکنیک دهوک و "پ. د. غەسان محەمەد سەدیق" سەرۆکێ لیژنا وەرزشێ لاوان دکومەلا عیراقی یا ژێگرتى و لێهاتیان، و لژێر دروشمێ (فێربوون ل دەمێ قەیرانان: هەڤرکى و دەرئەنجام) چارەمین کۆنفرانسێ نیڤدەوڵەتیێ کوالیتییا پەروەردە و فێرکرنێ ل عێراقێ هاتە ئەنجامدان

ئەڤرو روژا چوار شه‌مبی رێکه‌فتی 6-3-2024 ب ئاماده‌بوونا "د. صباح ابراهیم ویس" راوێژکارێ وه‌زیرێ خواندنا بلند و ڤه‌کولیێنێن زانستی و رێڤەبەر و ئەندامێن (ارض کلکامش) یێ پەروەردە و رەوشەنبیری و راگەهاندنێ و راگرێ کولیژا کارگێڕی و ئابووری و زانکۆیا موسڵ و سەرۆکێ کومەلا عیراقی یا ژێگرتى و لێهاتیان و نینه‌رێن وه‌زارەتا خواندنا بلند و راوێژکار و هاریکارێن سەرۆکا زانکۆیێ و ئەندامێن جڤاتا زانکۆیێ و رێڤه‌به‌رێن گشتی و ڤه‌کوله‌ر و ماموستایان چارەمین کۆنفرانسێ نیڤدەوڵەتیێ کوالیتییا پەروەردە و فێرکرنێ ل عێراقێ ل زانکۆیا پۆلیتەکنیک دهۆک- کولیژ و پەیمانگەها تەکنیکی کارگێری دهۆک هاته‌ ئه‌نجامدان.

پەیڤا بخێر هاتنا و ڤەکرنا کونفرانسی ژلایێ "پ. هـ.د. یەمان سامی شەریف" هاریکارێ سەرۆکا زانکۆیێ بۆ کاروبارێن زانستی و خواندنا بلند ڤە هاتە خواندن و ژلایەکێ دیڤە دکتور یەمانی گوت: دئه‌ڤی کونفرانسی دا ڤه‌کولین ژ 10 وه‌لاتێن جودا هاتبوونه‌ پێشکێشکرن و ژ سه‌رجه‌مێ 100 ڤه‌کولینان 80 ڤه‌کولین هاتنه‌ وه‌رگرتن، و روینشتنێن ئەڤی کونفرانسی لسەر 7 هولان هاتینە دابەشکرن کۆ دێ ژ هەشت روینشتنێن ئەکادیمی پێک هێن.

ژلایەکێ دیڤە پەیڤا وەزارەتى خوێندنى باڵاو توێژینەوەى زانستى ژلایێ "د. صباح ابراهیم ویس" راوێژکارێ وەزارەتا خواندنا بلند وڤەکولینێن زانستی ڤە هاتە خواندن و رولێ زانکۆیا پۆلیتەکنیک دهۆک و سەرۆکا زانکۆیێ بلند نرخاند وتەکەزی لسەر ئەنجامدانا کونفرانسێ ب ئەڤی شێوەی هاتە کرن.

بۆ دیتنا وێنەیێن کونفرانسی سەردەنا ئەڤی كه‌نالێ تێليگرامى بکەن

بروشورێ کۆنفرانسێ

پروگرامێ كونفرانسى