هەواڵێن سەرەکی

سەرۆکاتیا زانکۆیا پۆلیتەکنیک دهۆک ب هەفکارى ل گەل رێڤەبەریا بەرهنگاربوونا توندوتیژیێ دژی ئافرەتان و خێزانێ ل پارێزگەها دهۆکێ و ب پشتەڤانیا رێکخراوا The Lotus Flower دێ رێورەسمێن بدویماهیک هاتنا هەوا 16 رۆژی یا بەرهنگاریا توندوتیژیێ دژی ئافرەتان ل هولا کوردستان یا کولیژ و پەیمانگەها تەکنیکی کارگێری ئەنجامدا

ل دەستپێکێ پەیڤا بخێرهاتنێ و گرنگیا ئەڤان روژا ژلایێ "پ. د. ئــــاری عـــادل" سەرۆکا زانکۆیا پۆلیتەکنیک دهۆک پێشکێشکرن، و دیڤدا عەقیدێ ماف "ابراهیم سالم"رێڤەبەرێ رێڤەبەریا بەرهنگاربوونا توندوتیژیێ دژی ئافرەتان و خێزانێ ل پارێزگەها دهۆکێ رول و کاروچالاکیێن رێڤەبریا نافهاتی د ئەڤان روژان دا بۆ ئامادەبۆیان دانە دیارکرن، و پەیڤا رێکخراوا کێر ژلایێ " م. زوزان ملا محمد" ڤە هاتە خواندن

دبرگەیێن ئەڤان رێورسمان دا سرودا رێڤەبەریا بەرهنگاربوونا توندوتیژیێ دژی ئافرەتان و خێزانێ ل پارێزگەها دهۆکێ ب دیمەنێن چالاکیێن هەلکەفتا 16 رۆژی یا بەرهنگاریا توندوتیژیێ دژی ئافرەتان هاتە نیشاندان.

و ژلایەکێ دیڤە رێکخراوا The Lotus Flower پارچە ڤیدویەک ل دوور کاریگەریا توورێن جڤاکى لسەر بلند بوونا رێژەیا توندوتیژیێ دژى ئافرەتان و خێزانێ بەرهەفکربوو ئەوژی ژلایێ ئامادەبۆیان ڤە هاتە دیتن.

وپانیلێ دیدارا بدویماهیک هاتنا هەوا 16رۆژی یا بەرهنگاریا توندوتیژیێ دژی ئافرەتان ژلایێ (م. سرکفت رشید) رێڤەبەرێ راگەهاندنا زانکۆیا پۆلیتەکنیک دهۆک ڤە ب مێهڤانداریا هەر ئێک (پ. د. اسماعیل ابابکر بامرنی) راویژکار ل ریڤەبەریا بەرهنگاربوونا توند وتیژیی دژی ئافرەتان وخیزانێ ل پارێزگەها دهوکێ وماموستایێ زانکویا دهوک، (د. فیروز مسەفا حمدی) سەرۆکا پشکا تەکنیکێن راگەهاندنێ ل کولیژا تەکنیکی کارگێری، و (م. ڤیان احمد صادق) رێڤەبەرا هەرێمى یا رێکخراوا لوتس فلاوور هاتە پێشکێشکرن کۆ لدەستپێکا ئەڤێ دیدارێ نیمایشەکا توندوتیژیێ ب بێدەنگی ژلایێ قوتابیێن پشکا تەکنیکێن راگەهاندنێ ڤە هاتبوو بەرهەڤکرن هاتە نیشاندان و ل دویماهیێ پانوراما وێنەیان ژلایێ سەرۆکا زانکۆیێ رێڤەبەرێ رێڤەبەریا بەرهنگاربوونا توندوتیژیێ دژی ئافرەتان و خێزانێ ل پارێزگەها دهۆکێ، و رێڤەبەرا هەرێمى یا رێکخراوا لوتس فلاوور هاتە ڤەکرن.