هەواڵێن سەرەکی

لژێر چاڤدێریا پ. د. ئـــاری عــــادل سەرۆکا زانکۆیا پۆلیتەکنیک دهۆک، و ب سەرپەرشتیا پ.هـ. د. مزگین سیسن ئەحمەد راگرێکولیژا تەکنیکی ئەندازیاری دهۆک، وب ئامادەبوونا پ.هـ. د. یەمان سامى شەریف هاریکارێ سەرۆکا زانکۆیێ بۆ کاروبارێن زانستى و خواندنا بلند، کولیژا تەکنیکی ئەندازیاری دهۆک پشکا ئەندازیاریا رێگا و بان و بهەماهەنگی دگەل رێکخراوا ACI - DPU Student Chapter پیشاندان و تێستکرنا پڕا کۆ دبیتە ئێکەم بەریکانا سالێ یا کارێن قوتابيێن هەر حەفت زانکۆیێن (پۆلیتەکنیک دهۆک، پۆلیتەکنیک هەولیر، دهۆک، زاخۆ، تیشک یا نێڤدەولەتی، ڕاپەڕین و زانکۆیا سوران) بناڤێ Popsicle Stick Bridge Competition دهیتە ئەنجامدان.

دئەڤێ بەریکانەیێ دا ئەوا پ.هـ. د. مەند کەمال ماموستایێ زانکۆیا پۆلیتەکنیک دهۆک ب سەرپەرشتیا وێ دکڕ دگەل لیژنا هەلسەنگاندنێ، پروژێن قوتابیان لسەر دوو ئاستان بەلاڤکرن

دئاستێ ئێکێ دا ئەو پروژە هاتنە هەلبژارتن ئەوێن ل دویف رێنما و راسپاردێن لیژنا هەلسەنگاندنێ هاتینە ئامادەکرن کۆ ئەو پروژە دێ بیتە یێ ئێکێ ئەوێ سەنگا هەرە مەزن لسەر دهێتە دانان و نەشکێت ئانکۆ نە هێتە تێکشکاندن دەمێ زێدەترین کیلو لسەر دهێنە دانان، و دئەڤی ئاستی دا قوتابیێن زانکۆیا پۆلیتەکنیک دهۆک-گروپ (8) شیان ل رێزا ئێکێ بهێن و قوتابیێن زانکۆیا راپەرین گرۆب-(2) ل رێزا دووێ هاتن و قوتابیێن زانکۆیا سوران گروپ BLIZARD ل رێزا سێ یێ هاتن.

ژلایەکێ دیڤە و د ئاستێ دووێ دا هەڤرکی دنافبەرا ئەوان پروژان دا هاتە کرن ئەوێن نە ل دویف رێنما و راسپاردێن لیژنا هەلسەنگاندنێ ڤە هاتینە بەرهەڤکرن و دئەڤێ ئاستی ژی دا قوتابیێن زانکۆیا پۆلیتەکنیک دهۆک گروپ6 ل رێزا ئێکێ هاتن و قوتابیێن زانکۆیا راپەرین گروپ1 ل رێزا دووێ هاتن و قوتابیێن زانکۆیا تیشک یا نێڤدەولەتی گروپ LOWE ل رێزا سێ یێ هاتن و دیڤدا باوەرنامێن رێزلێنانێ بسەر سپۆنسەر و لێژنا هەلسەنگاندێ و سەرکەفتیێن ئێکێ هاتنە بەلاڤکرن.