هەواڵێن سەرەکی

لژێر چاڤدێریا پ. د. ئـــاری عــــادل، سەرۆکا زانکۆیا پۆلیتەکنیک یا دهۆک، و ب سەرپەرشتیا م. حنان عبدالرحمن، رێڤەبەرا سەنتەرێ پێداگۆجی و گەشەپێدانا ئەکادیمی، ل رۆژا سێشەمبی ڕێکەفتی ٦ی کانوونا دوێ یا ٢٠٢٦ێ، چالاکیێن خولا "چر و کورت یا پێداگۆجی" دەستپێکرن.

ئەڤ خولە ب پشکداریا (١٢) مامۆستا و بسپۆران دهێتە ئەنجامدان، کو ئارمانج ژێ بلندکرنا ئاستێ زانستی و پەروەردەیی یێ پشکدارانە و ئاشناکرنا وانە ب نووترین میتۆد و تەکنیکێن پێشکێشکرنا وانەیان لدویڤ ستانداردێن جیهانیێن نوی و سستەمێ بۆلۆنیا.

ژلایەکێ دیڤە دڕێورەسمێن دەستپێکرنێ دا، تەکەزی ل سەر رۆلێ سەنتەرێ پێداگۆجی دپەرەپێدانا شیانێن ئەکادیمی یێن ستافێ زانکۆیێ دا هاتە کرن، کۆ ئەڤ جۆرە خولە دبنە ئەگەرێ پێشخستنا کوالێتیا خواندنێ ل پشکێن جودا یێن زانکۆیێ، بکارئینانا تەکنۆلۆژیایێ و رێکێن نوو د پرۆسەیا فێرکرنێ دا، وهەروەسا بۆ هێزکرنا پەیوەندییا د ناڤبەرا مامۆستا و قوتابیان دا بۆ گەهاندنا زانیارییان ب شێوازەکێ کارتێکەر.

دهێتە چاڤەرێکرن د دەمێ ئەڤێ خولێ دا، پشکدار چەندین بابەتێن تیۆری و پراکتیکی یێن گرێدای ب رەفتار و زانستێ پێداگۆجی وەربگرن، کو دێ بیتە پالپشتەکا بهێز بۆ کاروانێ زانستی یێ زانکۆیا پۆلیتەکنیک یا دهۆک .